23 DHJETOR 2021 | PËRDITËSUAR MË 29 GUSHT 2023
RUSI

PËRDITËSIM—ÇIFTIN E SHPALLIN FAJTOR | Masat që siguron Jehovai, burim paqeje për familjen Postnikov

LUAJ

Më 23 gusht 2023, Gjykata Krahinore e Birobidzhanskit në Rajonin Autonom Jude shpalli fajtorë vëlla Oleg Postnikovin dhe motër Agnesa Postnikovin. Olegun e dënuan me 5 vjet e gjysmë vënie në provë, kurse Agnesën me 4 vjet e gjysmë vënie në provë. Për momentin, nuk u duhet të futen në burg.

Më 11 tetor 2022, Gjykata e Rajonit Autonom Jude anuloi vendimin e mëparshëm që i shpallte fajtorë vëlla Oleg Postnikovin dhe motër Agnesa Postnikovin. Tani çështja do të dërgohet për rishqyrtim.

Më 25 prill 2022, Gjykata Krahinore e Birobidzhanskit në Rajonin Autonom Jude shpalli fajtorë Olegun dhe Agnesën. Olegun e dënoi me 5 vite e gjysmë vënie në provë, kurse Agnesën me 5 vjet vënie në provë. Për momentin nuk duhet të futen në burg.

Tabelë kronologjike

12 shkurt 2021

FSB-ja ngre një çështje penale kundër Agnesës. Çifti Postnikov akuzohen se kanë formuar një grup «kriminal» dhe u kanë folur të tjerëve për qëllimet e tij «ekstremiste». Olegut dhe Agnesës u ndalohet largimi nga zona ku banojnë, u bllokohen llogaritë bankare dhe ua shënojnë emrat në listën e terroristëve në Rusi
12 shkurt 2020

FSB-ja ngre një çështje penale kundër Olegut

Të dhëna

Oleg Postnikovi

Lindur: 1965 (Vjazemski, Territori i Habarovskut)

Biografia: Ka punuar si hidraulik. Kur ishte i ri, u fut në një bandë dhe ka qenë i burgosur për veprimtari kriminale. Në burg mëson më shumë për Biblën dhe, pasi lirohet, pagëzohet si Dëshmitar i Jehovait në vitin 1986

Më 1989 u martua me Agnesën dhe kanë dy fëmijë të rritur

Komente personale

Si e njohe të vërtetën në burg?

Në burg njoha një Dëshmitar që ishte burgosur ngaqë refuzonte të bënte ushtrinë. . . . Folëm gjerë e gjatë për provat mbi ekzistencën e Zotit dhe për mangësitë e teorisë së evolucionit. Diskutuam edhe për kompleksitetin e mahnitshëm të projekteve natyrore në univers. Ajo bisedë më hapi sytë. . . . Më vonë lexova disa botime të Dëshmitarëve të Jehovait. . . . Pasi u lirova, vazhdova studimin dhe u pagëzova.

Çfarë të ka mësuar kjo situatë për besimin te Jehovai?

Fillova të lutesha më intensivisht, sidomos kur duhej të takoja hetuesin. Nga ato takime kuptova qartë se me forcat dhe me mençurinë time s’ia dilja dot të përballoja metodat e tij tinëzare dhe dredharake që të hiqja dorë nga besimi. E kuptova se për të ruajtur qetësinë, duhej të besoja plotësisht te Jehovai dhe të mos merakosesha së tepërmi se çfarë mund të ndodhte.

A ke një shkrim që të ka inkurajuar në veçanti?

Sjell ndër mend shpesh fjalët e Josiut 1:9: «Unë Jehovai, Perëndia yt, do të jem me ty kudo që të shkosh.» Ky varg më kujton se disa herë mund të jem i detyruar të shkoj në vende që nuk dua. Megjithatë, Jehovai më siguron sikur të më thotë: «Mos ki merak, do të vij dhe unë me ty. Ashtu si shkova me [burra besnikë si] Jozefi, do të vij edhe me ty.» Kjo më ndihmon të mos shqetësohem për të nesërmen e të mos bluaj në mendje mendime shkurajuese.

Agnesa Postnikovi

Lindur: 1963 (Kazakistan)

Biografia: E pesta nga shtatë fëmijët e familjes së saj. Kur ishte e re i pëlqente teatri, të kërcente, të bënte ski dhe patinazh. Sot i pëlqen jeta e qetë në fshat, të kujdeset për lulet dhe të ecë në natyrë. Ka punuar në rrobaqepësi

U pagëzua në vitin 1979. U martua me Olegun në 1989-n

Komente personale

Çfarë mbështetje ke marrë gjatë kësaj periudhe të vështirë?

I jam mirënjohëse Trupit Udhëheqës që siguron ushqim besimforcues në kohën e duhur. Dua të falënderoj nga zemra edhe të gjithë vëllezërit e motrat që ndihmojnë në përgatitjen e këngëve, filmave, videove, kongreseve dhe përkthimeve të reja të Biblës. Faleminderit Jehovait që më ka dhënë një familje kaq të dashur e të mrekullueshme për të më forcuar në këto kohë të vështira.

Cilat nga masat që siguron Jehovai vlerëson veçanërisht?

Më ka ndihmuar shumë lutja dhe meditimi për këngë, si Në jetën e vërtetë dhe Në prag është parajsa. Këto këngë flasin për botën e re. Kjo ma qetëson zemrën e më siguron se Ati im më do fort.

Këto eksperienca janë prova të mëtejshme se Jehovai e ka përgatitur popullin e tij t’i përballojë me sukses sprovat e ndryshme. Të mos reshtim kurrë së mbështeturi ‘te dashuria dhe besnikëria’ e Jehovait.—Psalmi 115:1.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME