26 GUSHT 2021 | PËRDITËSUAR MË 12 JANAR 2024
RUSI

PËRDITËSIM—ANULOHET VENDIMI I FAJËSISË | Babai i dy fëmijëve rrezikon 15 vjet burg për shkak të besimit

LUAJ

Më 11 janar 2024, Gjykata Rajonale e Zonës Autonome Kantë-Mansinski—Jugra anuloi vendimin që shpallte fajtor vëlla Andrei Sazanovin. Tani çështja e tij do t’i rikthehet për rigjykim Gjykatës së Qytetit Urrai të Zonës Autonome Kantë-Mansinski—Jugra.

Tabelë kronologjike

Më 24 dhjetor 2021 Gjykata e Qytetit Urrai e Zonës Autonome Kantë-Mansinski—Jugra e dënoi vëlla Andrei Sazanovin dhe e gjobiti me 500.000 rubla (6.785 dollarë). Ai rrezikonte 15 vite burg. Edhe pse jemi të zhgënjyer që vëllai ynë u dënua, jemi të lumtur që nuk i duhet të shkojë në burg
22 qershor 2020

Nisi procesi penal kundër Andreit
22 gusht 2019

Gjykata e liroi nga arresti i shtëpisë dhe, ndër të tjera, i vuri kufizime për udhëtimet
26 shkurt 2019

Filloi dënimin me arrest shtëpie
6 shkurt 2019

Dy ditë pasi e mbajtën në një burg të përkohshëm, i kontrolluan vendin e punës dhe automjetin. Pastaj e transferuan në një qendër paraburgimi
31 janar 2019

E paditën penalisht për «organizim dhe pjesëmarrje në veprimtaritë e një organizate ekstremiste»

Të dhëna

Andrei Sazonovi

Lindur: 1980 (Moskë)

Biografia: Është administrator i një kompanie të madhe për sistemin e ngrohjes. Më 2002 u martua me Viktorian, mësuese anglishteje. Kanë një vajzë, Irinën (Irën) dhe një djalë, Vjaçeslavin (Slavin)

Në fillim të viteve 1990 filloi të studionte Biblën me Dëshmitarët e Jehovait dhe, më 1997, u pagëzua

Komente personale

Çfarë ka qenë gjëja më e vështirë për ty?

Gjëja më e vështirë ishte qëndrimi larg njerëzve më të dashur dhe që s’kisha gjë në dorë për t’i ndihmuar. E kisha shumë merak mënyrën si do ta përballonte familja këtë situatë. Gjithashtu isha i shqetësuar për vëllezërit e motrat, sepse nuk u kontrollua vetëm shtëpia jonë.

Çfarë të ndihmoi të qëndroje pozitiv gjatë periudhës në paraburgim?

Kuptova se nuk e kisha në kontroll situatën. Nuk e dija çfarë mund të ndodhte, nga momenti në moment dera e burgut mund të hapej e të më çonin kushedi ku. M’u desh të përvetësoja qëndrimin e duhur për ta përballuar situatën. Kur nisi e gjithë kjo, m’u kujtuan fjalët e Romakëve 12:21: «Mos e lejo të keqen të të mundë, por vazhdo ta mundësh të keqen me të mirën.» Ky parim më ka ndihmuar shumë herë në jetë. Prandaj vendosa se, pavarësisht si më trajtonin, do të sillesha me mirësi gjithnjë. U përpoqa të isha i sjellshëm dhe i mirë me këdo. U përpoqa të mos zemërohesha me ata që ma shkaktuan këtë situatë. Është kënaqësi të shikosh si ndryshojnë njerëzit kur i trajton mirë, kur i trajton ndryshe nga ç’e presin. Kjo të gëzon jashtë mase.

Para se të na ndodhte kjo, mësova përmendsh 2 këngë: «Mos u dorëzo kurrë» dhe «Më jep guxim». Këto këngë më prekin në mënyrë të veçantë. I këndoja shpesh në burg dhe më jepnin forcën e nevojshme për të qëndruar.

Çfarë do t’u sugjeroje të tjerëve, si mund ta shfrytëzojnë kohën për t’u përgatitur për përndjekjen?

Shfrytëzojeni kohën për të forcuar miqësinë me Jehovain dhe qysh tani bëni gjithë sa keni në dorë në shërbim të tij. . . . Sa më të zënë të jeni me gjërat që e bëjnë të lumtur Jehovain, aq më pak kohë do të keni për shpërqendrimet që e dobësojnë besimin.

E çmojmë shembullin e mirë që po lënë vëllezërit e motrat në Rusi, ndërkohë që përndjekja vazhdon. Jemi të sigurt se Jehovai do t’u japë forcë përherë.—Psalmi 138:3.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME