7 QERSHOR 2022 | PËRDITËSUAR MË 21 NËNTOR 2023
RUSI

PËRDITËSIM—ANULOHET VENDIMI I PAFAJËSISË | I bindur për dashurinë dhe mbështetjen e Jehovait

LUAJ

Më 20 nëntor 2023, Gjykata e Zonës Autonome të Kantë-Mansinskit, Jugra, anuloi vendimin që e shpallte të pafajshëm vëlla Andrei Zhukovin. Çështja e tij u kthye për rigjykim.

Më 7 gusht 2023, Gjykata e Krahinës së Jugorskit në Zonën Autonome të Kantë-Mansinskit, Jugra, e shpalli të pafajshëm vëlla Andrei Zhukovin. Atë e shfajësuan nga të gjitha akuzat.

Tabelë kronologjike

17 gusht 2020

Kundër Andreit ngrihet një çështje penale dhe e akuzojnë se mbante mbledhje sekrete të një organizate «ekstremiste»
19 gusht 2020

Bastisin 9 shtëpi të Dëshmitarëve të Jehovait, ndër to edhe shtëpinë e Andreit. E futin në një burg të përkohshëm
20 gusht 2020

E lirojnë, por i vënë disa kufizime
14 janar 2021

E futin në listën e ekstremistëve dhe i bllokojnë llogarinë bankare
4 gusht 2021

Autoritetet e akuzojnë Andrein për gjëra të tjera, si për shembull, «i lutej Perëndisë Jehova, drejtonte ceremoni fetare dhe studionte tekste fetare». Pas kësaj e marrin në pyetje
15 tetor 2021

I refuzojnë kërkesën për t’i dhënë fund ndjekjes penale
29 dhjetor 2021

Nis procesi penal

Të dhëna

Andrei Zhukovi

Lindur: 1972 (Çeljabinsk, Rajoni i Çeljabinskut)

Biografia: Ka punuar si teknik për mirëmbajtje avionësh. I pëlqen të ndërtojë kafaze zogjsh dhe të mbledhë kërpudha

Për Dëshmitarët e Jehovait dëgjoi për herë të parë më 1998 nga një koleg. U prek nga logjika, thjeshtësia dhe harmonia e Biblës dhe u pagëzua më 2002. U martua me Svetlanën në vitin 2006 dhe kanë një djalë

Komente personale

Çfarë të ka prekur më shumë nga mbështetja e vëllezërve dhe e motrave?

Shumë miq të krishterë, ndër ta edhe mbikëqyrësi qarkor dhe bashkëshortja e tij, erdhën nga qytete të ndryshme për të më mbështetur në të dy seancat gjyqësore. . . . Erdhën edhe pse nuk u lejohej të hynin në sallën e gjyqit për shkak të udhëzimeve për pandeminë në atë periudhë. Kjo do të thoshte se u është dashur të rrinin jashtë për orë me radhë.

Si ta ka forcuar besimin te Jehovai kjo eksperiencë?

Jam i bindur se në momente kritike, Jehovai të jep paqe në zemër si dhe aftësi për të menduar që të marrësh vendime të drejta. Më është forcuar jashtë mase besimi se ai nuk do ta kursejë aspak ndihmën në momente të vështira.

Mbështetja që Jehovai po i jep Andreit dhe tërë vëllezërve e motrave të shtrenjta për t’i bërë ballë kundërshtimit, vazhdon të jetë ‘provë e mirësisë së tij’ dhe tregon se ai është «ndihma e ngushëllimi» i tyre.—Psalmi 86:17; shënimi.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME