19 MARS 2024 | PËRDITËSUAR MË 5 NËNTOR 2024
RUSI

PËRDITËSIM—ANULOHET VENDIMI | ‘Jehovai po më jep zemër’

LUAJ

Më 30 tetor 2024, Gjykata e Kasacionit e Juridiksionit të Nëntë në Vladivostok anuloi vendimin që shpallte fajtorë vëlla Sergei Çeçulinin dhe gruan e tij, motër Jelena Çeçulinin. Çështja e tyre do t’i kthehet për rishqyrtim gjykatës së mëparshme.

Më 22 prill 2024, Gjykata e Qytetit të Petropavlovsk-Kamçatskit në Territorin e Kamçatkës shpalli fajtorë vëlla Sergei Çeçulinin dhe gruan e tij, motër Jelena Çeçulinin dhe e dënoi secilin me 2 vjet vënie në provë. Për momentin nuk u kërkohet të futen në burg.

Të dhëna

Sergei Çeçulini

Lindur: 1968 (Timlat, Territori i Kamçatkës)

Biografia: Është rritur në jetimore. Punon si riparues në një kompani për sistemin e ngrohjes

Ndoqi një mbledhje të Dëshmitarëve të Jehovait pasi ishte ftuar nga një mik që po studionte Biblën. Sergei gjeti përgjigjet logjike për pyetjet që kishte. U pagëzua në vitin 1995

U martua me Jelenën më 2000. Kanë një djalë

Komente personale

Cili varg nga Bibla të ka ndihmuar veçanërisht ty dhe bashkëshorten?

Autoritetet na kanë vendosur kufizime për udhëtimet, na kanë konfiskuar makinën e na kanë bllokuar llogaritë bankare. Megjithatë, i kuptojmë më plotësisht fjalët e Psalmit 55:22: «Hidhja barrën tënde Jehovait, dhe ai do të të mbështetë. Ai s’do të lejojë kurrë që i drejti të bjerë.» Jehovai ka premtuar se s’do të lejojë që të lëkundemi. Me ndihmën e tij, rrethanat ku gjendemi, nuk na i kanë shteruar fuqitë. Po mësojmë të mbështetemi gjithnjë e më shumë te Jehovai dhe te vëllazëria jonë. Jemi më të vendosur se kurrë të vazhdojmë të adhurojmë Jehovain me gjithë shpirt.

Jelena Çeçulini

Lindur: 1978 (Petropavlovsk-Kamçatski)

Biografia: Punon si infermiere

Mamaja e Jelenës filloi të studionte me Dëshmitarët e Jehovait. Falë kësaj, Jelena u bë e vetëdijshme se kishte nevojë të dinte më shumë për Perëndinë dhe kërkoi të studionte Biblën. U pagëzua më 2000

U martua me Sergein më 2000

Komente personale

Çfarë ke mësuar për Jehovain në këtë situatë të vështirë?

Kam vënë re se, sa herë më ndryshojnë rrethanat në jetë, më thellohet kuptueshmëria për Biblën. Për shembull, tani që po përballem me përndjekje, e kuptoj më shumë atë që thotë Pavli te Romakëve 8:38, 39: «Në fakt, jam i bindur që as vdekja, as jeta, as engjëjt, as qeveritë, as gjërat e së tashmes, as gjërat e së ardhmes, as fuqitë, as lartësitë, as thellësitë, as ndonjë krijim tjetër, nuk do të na ndajnë dot nga dashuria e Perëndisë, që është shprehur përmes Krishtit Jezu, Zotërisë tonë.» Kur Jehovai dëshiron të më sigurojë për dashurinë e tij, nuk ka asgjë që mund ta pengojë. Dhe mënyra si e bën, nuk më lë fije dyshimi se është Ai që po më jep zemër. Jehovai nuk rri në heshtje dhe as e mban të fshehur dashurinë për shërbëtorët e vet. E di se këto eksperienca do të më ndihmojnë të qëndroj besnike në çdo vështirësi që mund të has në të ardhmen.

Ashtu si Sergei dhe Jelena, edhe ne e çmojmë si thesar Fjalën e Perëndisë, dhuratën e përsosur që na ripërtërin forcat dhe na jep mençurinë e nevojshme për të qëndruar besnikë, edhe kur jemi nën sprovë.—Psalmi 19:7.

Tabelë kronologjike

25 shtator 2022

Ngrihet një çështje penale
17 tetor 2022

U kontrollojnë shtëpinë
6 shtator 2023

Sergeit i vendosin kufizime për udhëtimet
7 shtator 2023

Jelenës i vendosin kufizime për udhëtimet
26 dhjetor 2023

Nis procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME