23 MARS 2022 | PËRDITËSUAR MË 11 TETOR 2024
RUSI
PËRDITËSIM—APELI ANULON DËNIMET ME BURG | Jehovai siguron ndihmë për gjashtë motra e vëllezër besnikë
Më 10 tetor 2024, Gjykata e Territorit të Habarovskut shpalli vendimin për apelimin e motër Maja Karpushkinit, vëlla Stanislav Kimit, vëlla Nikolaj Polevodovit, motër Svetlana Sedovit, vëlla Vitali Zhukut dhe gruas së tij, Tatjanës. Dënimet me vënie në provë për Majën, Svetlanën dhe Tatjanën u reduktuan të gjitha me 1 vit. Dënimet e mëparshme me burg për Stanislavin, Vitalin dhe Nikolajin u zëvendësuan me dënime me vënie në provë për 7 vjet e 2 muaj, 7 vjet e 4 muaj dhe 7 vjet e 6 muaj respektivisht. Më vonë po atë ditë, vëllezërit i liruan nga burgu.
Më 20 qershor 2024, Gjykata e Krahinës së Industrialnit në Territorin e Habarovskut shpalli fajtorë motër Maja Karpushkinin, vëlla Stanislav Kimin, vëlla Nikolaj Polevodovin, motër Svetlana Sedovin, vëlla Vitali Zhukun dhe gruan e tij, Tatjanën. Gjykata e dënoi Majën me 4 vjet vënie në provë. Svetlanën dhe Tatjanën e dënoi secilën me 5 vjet vënie në provë. Për momentin motrave nuk u kërkohet të futen në burg. Stanislavin e dënoi me 8 vjet e 2 muaj burg, Vitalin me 8 vjet e 4 muaj burg dhe Nikolajin me 8 vjet e 6 muaj burg. Këto janë dënimet më të gjata që janë dhënë që kur vepra u ndalua në vitin 2017. Vëllezërit i arrestuan menjëherë në sallën e gjyqit.
Tabelë kronologjike
10 nëntor 2018
Autoritetet ndërpresin një festë me rreth 55 veta në një kafene. Ata marrin në pyetje të gjithë të pranishmit, ndër ta edhe të mitur, si edhe u marrin shenjat e gishtave dhe i fotografojnë
12 nëntor 2018
Stanislavin, Nikolajin dhe Vitalin i futin në një qendër paraburgimi. Majës, Svetlanës dhe Tatjanës u vendosin kufizime për udhëtimet
14 janar 2019
Nikolajin dhe Vitalin i lirojnë nga paraburgimi dhe i kalojnë në arrest shtëpie
29 janar 2019
Stanislavin e lirojnë nga paraburgimi dhe e kalojnë në arrest shtëpie
18 korrik 2019
Çështja dërgohet për shqyrtim në Gjykatën e Krahinës së Industrialnit në Territorin e Habarovskut
2 gusht 2019
Nikolajin e lirojnë nga arresti i shtëpisë
9 shtator 2019
Autoritetet paraqesin një çështje të dytë penale për Stanislavin dhe Nikolajin pranë Gjykatës së Krahinës së Zhileznadarozhnit në Habarovsk
5 nëntor 2019
Nikolajit i vendosin kufizime për udhëtimet
18 janar 2020
Stanislavin dhe Vitalin i lirojnë nga arresti i shtëpisë
4 shkurt 2020
Stanislavin dhe Nikolajin i shpallin fajtorë në çështjen e dytë penale. Gjykata e Krahinës së Zhileznadarozhnit në Habarovsk e dënon secilin prej tyre me dy vjet vënie në provë dhe liri me kusht
3 gusht 2020
Çështja që ishte për shqyrtim në Gjykatën e Krahinës së Industrialnit i kthehet zyrës së prokurorit. Si rezultat, prokuroria apelon vendimin
29 shtator 2020
Gjykata Rajonale e Habarovskut shqyrton apelimin e prokurorisë. Stanislavi dhe Nikolaji lejohen t’i drejtojnë disa fjalë gjykatësit. Ata theksojnë se Federata Ruse është pjesë e komunitetit botëror dhe ka firmosur një marrëveshje ndërkombëtare për të mos shkelur të drejtat e shtetasve të saj dhe lirinë e adhurimit
12 tetor 2020
Gjykata Rajonale e Habarovskut lë në fuqi vendimin e Gjykatës së Krahinës së Industrialnit, dhe çështja i kthehet zyrës së prokurorit
15 dhjetor 2021
Çështja paraqitet sërish pranë Gjykatës së Krahinës së Industrialnit
Të dhëna
S’kemi dyshim se Jehovai do të vazhdojë t’i mbështetë këta vëllezër e motra të dashur, si edhe shumë të tjerë që sot përbëjnë ‘renë e madhe të dëshmitarëve’.—Hebrenjve 12:1.
Mund të të pëlqejë edhe . . .
LAJME
Burgosen për shkak të besimit—Rusi
Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.