15 QERSHOR 2022 | PËRDITËSUAR MË 23 DHJETOR 2022
RUSI

PËRDITËSIM—APELIMI | Galina Kobeljevi është e vendosur të japë dëshmi në gjykatë

LUAJ

Më 21 dhjetor 2022, Gjykata e Territorit të Primorjes pranoi pjesërisht apelimin e motër Galina Kobeljevit. Asaj nuk i duhet të paguajë më shpenzimet e gjyqit, por mbetet në fuqi dënimi i saj me 6 vjet vënie në provë.

Më 20 tetor 2022, Gjykata e Krahinës së Ljesozavodskit në Territorin e Primorjes e shpalli fajtore motrën Galina Kobeljevi dhe e dënoi me 6 vjet vënie në provë. Për momentin nuk i kërkohet të futet në burg.

Tabelë kronologjike

12 maj 2020

Forcat e sigurisë në Territorin e Primorjes kontrollojnë shtëpitë e katër familjeve Dëshmitarësh të Jehovait, ndër to edhe shtëpinë e Galinës. Autoritetet marrin në pyetje atë dhe të birin, vëlla Sergej Kobeljevin, dhe nisin hetimet kundër tyre
8 mars 2021

Autoritetet ngrenë një çështje penale kundër Galinës. E akuzojnë për pjesëmarrje në aktivitetet e një organizate ekstremiste
7 prill 2021

Galinës i vendosin kufizime për udhëtimet
29 tetor 2021

Fillon procesi penal

Të dhëna

Galina Kobeljevi

Lindur: 1956 (Vjerhnije-Mulli, Territori i Permit)

Biografia: Ka punuar në tregti dhe në fushën e kontabilitetit. I pëlqen të merret me kopshtin

Për herë të parë dëgjoi për Dëshmitarët e Jehovait nga e ëma. Dashuria mes vëllezërve e motrave në kongregacion e ndihmoi të bindej se kishte gjetur të vërtetën. U pagëzua më 1998

Komente personale

Çfarë të shtyn të dëshmosh me guxim?

E konsideroj gjykatën si territorin tim. Ndiej sikur Jehovai dhe Jezui presin që unë të jap dëshmi në gjykatë.

Gjithashtu, vëllezërit e motrat këtu më mbështetin gjatë çdo seance gjyqësore. Edhe pse jam vetëm gjatë seancave gjyqësore, gjithmonë e ndiej mbështetjen e atyre që luten për mua.

Cili shkrim nga Bibla të ndihmon të qëndrosh besnike?

Një nga shkrimet e mia të preferuara është Isaia 48:17, 18, që pjesërisht thotë: «Unë, Jehovai, jam Perëndia yt, Ai që të mëson si të nxjerrësh dobi për vete, Ai që të udhëheq nëpër rrugën nga duhet të shkosh.» . . . Meditoj shpesh për dobitë që vijnë kur eci në rrugën e tij dhe për lumturinë e thellë që më sjell kjo udhë. Para nesh shtrihet perspektiva e mrekullueshme për të jetuar në kushte të përsosura në parajsën në tokë. Por tani për tani kemi mundësi që gjatë sprovave të shijojmë mbështetjen e Mikut dhe Atit tonë të plotfuqishëm dhe të afrohemi më shumë me të. . . . Edhe po ta braktisja udhën e tij, prapë do të përballesha me vështirësitë e jetës, vetëm se do ta bëja këtë pa të vetmin person që më ngushëllon e më ndihmon vërtet.

Sa mirënjohës jemi që Jehovai vazhdon t’i çojë «në një vend të sigurt» shërbëtorët e tij besnikë, si Galina, teksa e mbrojnë me guxim emrin e tij.—2 Samuelit 22:18-21.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME