2 SHKURT 2022
RUSI

PËRDITËSIM | Aktivitetet e ndihmojnë vëlla Andrej Vlasovin të qëndrojë pozitiv

LUAJ

Më 26 korrik 2022 Gjykata Rajonale e Kemerovos hodhi poshtë apelimin e vëlla Andrej Vlasovit. Ai vazhdon të jetë në burg.

Më 23 maj 2022, Gjykata e Krahinës Qendrore e Qytetit të Prokopjevskit e shpalli fajtor Andrejin dhe e dënoi me shtatë vjet burg. Dënimi i tij hyn në fuqi menjëherë.

Tabelë kronologjike

2 korrik 2020

Ngrihet një çështje penale kundër Andrejit si i dyshuar për organizim veprimtarish të një organizate ekstremiste
12 korrik 2020

Forca të FSB-së kontrollojnë shtëpinë dhe vendin e punës të Andrejit. Ata i konfiskojnë pajisje elektronike dhe Bibla. E dërgojnë në një burg të përkohshëm ndërkohë që hetuesit marrin në pyetje të shoqen, Nataljan
14 korrik 2020

E lirojnë nga burgu dhe e lënë në arrest shtëpie
9 qershor 2021

Nis procesi penal

Të dhëna

Andrej Vlasovi

Lindur: 1968 (Prokopjevsk, Rajoni i Kemerovos)

Biografia: I pëlqen vizatimi dhe muzika. Ka punuar si fotograf

Andreji e mësoi të vërtetën nga vëllai i vogël, i cili studioi Biblën me të. U pagëzua si Dëshmitar i Jehovait më 1991. U martua me Nataljan në vitin 2003

Komente personale

Çfarë të ndihmon të jesh pozitiv?

Ngaqë i mbush ditët me aktivitete të ndryshme, e kam më kollaj të jem pozitiv. Lexoj Biblën, përgatitem për mbledhje, shoh videot e organizatës, pikturoj dhe dëgjoj libra audio. Gjithashtu merrem me punë shtëpie, luaj shah, qep dhe bëj lojëra që të vënë në punë mendjen.

Si të kanë inkurajuar motrat e vëllezërit e krishterë?

Marr zemër kur vëllezërit e motrat më thonë se luten për mua, se po marrin forcë nga shembulli im i besimit dhe se duan t’i qëndrojnë besnikë Jehovait njësoj si unë.

Cilat vargje nga Bibla të kanë prekur në veçanti dhe si të kanë ndihmuar?

1 Pjetrit 4:12-14 më ka ndihmuar mua dhe gruan gjatë kohës që policia na bastisi shtëpinë, kur ishim nën hetim dhe gjatë seancave të shumta në gjykatë. . . . I shkruam këto vargje dhe i vumë në një vend të dukshëm. Tani që jam në arrest shtëpie, bashkë me time shoqe mendojmë thellë për këto fjalë të cilat na kujtojnë se Jehovai s’ka për të na braktisur. Kur isha në burgun e përkohshëm, më dha shumë forcë Isaia 40:10-13. Qetësia që ndieva gjatë atyre ditëve, ishte si vaj qetësues për zemrën time të merakosur.

Çfarë privilegji është të kemi bashkëpunëtorë si Andreji dhe vëllezër e motra të tjerë në Rusi dhe në Krime, që plot gëzim i qëndrojnë besnikë Jehovait.—2 Korintasve 1:24.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME