8 PRILL 2024 | PËRDITËSUAR MË 1 KORRIK 2024
RUSI

PËRDITËSIM—DËNIME ME BURG | Shohin dorën e Jehovait ndonëse në paraburgim

LUAJ

Më 26 qershor 2024, Gjykata e Qytetit të Novoçerkaskut në Rajonin e Rostovit shpalli fajtorë motër Ljubova Galitsinin dhe vëllezërit Garegin Haçaturian dhe Gevorg Jeritsian. Ljubovën e dënoi me 2 vjet e 3 muaj burg, por për shkak të periudhës që ka kaluar në paraburgim, dënimi i saj quhet i kryer. Për momentin, nuk i kërkohet të futet në burg. Gareginin e dënoi me 6 vjet e 6 muaj burg, kurse Gevorgin me 6 vjet e 2 muaj burg. Të dy vëllezërit do të vazhdojnë të kryejnë dënimin.

Të dhëna

Ljubova Galitsini

Lindur: 1959 (Plastunovskajë, Territori i Krasnodarit)

Biografia: Para se të dilte në pension ka punuar si inxhiniere mekanike në një fabrikë

Donte të dinte më shumë për Biblën pasi dëgjoi për shpresën se një ditë s’do të kishte më sëmundje e vdekje. U pagëzua si Dëshmitare e Jehovait në vitin 1995

Mbeti e ve në vitin 2015

Komente personale

Si e ndjeve mbështetjen e Jehovait kur ishe në qendrën e paraburgimit për 1 vit e 4 muaj?

Ishte shumë e vështirë të qëndroje në të njëjtën qeli me përdoruese droge, hajdute dhe kriminele të tjera. Shpesh krijoheshin situata tensionuese. I lutesha Jehovait, ndonjëherë tërë natën, ku i përgjërohesha të më tregonte si t’i përballoja ato situata. Mbi 25 veta kaluan nga qelia ime gjatë periudhës që isha në paraburgim. Me ndihmën e Jehovait, ia dola të krijoja marrëdhënie të mira me të gjitha. Veç kësaj, ai më ndihmoi ta shfrytëzoja këtë situatë për të dalluar pikat e mia të dobëta dhe për të punuar me to. Isha mirënjohëse për mundësinë që të përmirësoja personalitetin e krishterë.

Garegin Haçaturiani

Lindur: 1967 (Azerbajxhan)

Biografia: Ka punuar si marangoz. Pas disa kohësh në Poloni dhe në Gjermani, në vitin 1995 u transferua në Rusi

I bëri përshtypje saktësia e Biblës dhe vlera praktike e parimeve të saj. U pagëzua më 1994

Në vitin 2008 u martua me Ksenian dhe kanë një djalë

Komente personale nga gruaja e Gareginit, Ksenia a

Çfarë po të ndihmon ty dhe bashkëshortin që të tregoni qëndrueshmëri?

Njëherë Garegini më shkroi këto fjalë: «I jam shumë mirënjohës Jehovait për mbështetjen që më tregon. Letrat nga motrat e vëllezërit në kongregacionin tonë më japin shumë mendime inkurajuese nga Bibla. Dijenia se ata po kujdesen edhe për ty, më ndihmon të jem i qetë. Kurrë më parë nuk jam ndier kaq pranë Jehovait, sa tani.» Bashkohem me fjalët e Gareginit. Të dy ne ndihemi më pranë Jehovait dhe e shohim edhe më shumë dorën e tij në jetën tonë.

Ndonëse kundërshtarët duan të na bëjnë keq, s’kemi pikë dyshimi se Jehovai do të vazhdojë të bekojë shërbëtorët e tij besnikë dhe ‘t’i kthejë të këqijat në të mira’.—Zanafilla 50:20.

Tabelë kronologjike

11 gusht 2022

Ngrihet çështja penale kundër Ljubovës, Gareginit dhe Gevorgit. U kontrollojnë shtëpinë. Gareginin dhe Gevorgin i futin në një burg të përkohshëm
12 gusht 2022

Gareginin dhe Gevorgin i transferojnë në një qendër paraburgimi
16 gusht 2022

Ljubovën e fusin në një burg të përkohshëm
17 gusht 2022

Ljubovën e transferojnë në një qendër paraburgimi
20 shtator 2023

Fillon procesi penal
25 dhjetor 2023

Ljubovën e lirojnë nga paraburgimi dhe e kalojnë në arrest shtëpie

a b Gjatë kohës që ky artikull përgatitej, vëllezërit Haçaturian dhe Jeritsian ndodheshin në paraburgim, ndaj ishte e pamundur të siguronim komente prej tyre.

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME