Më 31 mars 2023 Gjykata Krahinore e Babushkinskit në Moskë shpalli fajtorë vëllezërit Ivan Çajkovski, Juri Çjernishjevi, Vitali Komarovi, Sergei Shatalovi dhe Vardan Zakarjani. Ivani, Juri, Vitali dhe Sergei u dënuan secili me 6 vite e 3 muaj burg. Kurse Vardani u dënua me 4 vite e 3 muaj burg. Ata i arrestuan menjëherë në sallën e gjyqit.

1. 24 nëntor 2020

   Autoritetet ruse bastisin të paktën 20 shtëpi të Dëshmitarëve të Jehovait në Moskë. Oficerët fusin në një burg të përkohshëm Ivanin, Jurin, Vitalin e Sergein dhe i vendosin në izolim. Gjatë kontrollit dhe marrjes në pyetje të Jurit dhe të familjes së tij ishin të pranishme edhe ekipe xhirimi. Më pas filmimet u transmetuan në lajme, në stacionet televizive shtetërore

2. 26 nëntor 2020

   Sergei del nga burgu i përkohshëm dhe e lënë në arrest shtëpie. Vardanin, i cili ishte në spital për shkak të dëmtimeve që mori gjatë kontrollit, e fusin në burg të përkohshëm, në izolim

3. 27 nëntor 2020

   Gjykata liron nga burgu Ivanin, Jurin e Vitalin dhe i lë në arrest shtëpie

4. 30 nëntor 2020

   Autoritetet e lirojnë Vardanin nga burgu dhe e lënë në arrest shtëpie. Pas kësaj Vardani paraqet një ankesë kundër Zyrës së Prokurorit për përdorim të paligjshëm të forcës

5. 16 shkurt 2022

   Nis procesi penal

Marrim forcë kur shohim sa afër u qëndron Jehovai vëllezërve tanë të shtrenjtë dhe familjeve të tyre, ngaqë ata përpiqen pareshtur t’i afrohen.—Jakovi 4:8.