23 SHTATOR 2021
RUSI

PËRDITËSIM—HIDHET POSHTË APELIMI | Gjashtë motra dhe një vëlla mbështeten te Jehovai dhe te bashkëbesimtarët gjatë gjyqit

LUAJ

Më 26 shtator 2022, Gjykata e Territorit të Primorjes hodhi poshtë apelimin e motrave Nadjezhda Anojkini, Ljubova Galaktionovi, Nailja Kogai, Nina Purgei, Raisa Usanovi dhe të vëlla Valentin Osadçukut. Për momentin atyre nuk u duhet të shkojnë në burg.

Më 1 qershor 2022, Gjykata e Krahinës së Leninskit në Vladivostok shpalli fajtorë Nadjezhdën, Ljubovën, Nailjan, Ninën, Raisën dhe Valentinin. Motrat i dënuan secilën me 2 vjet vënie në provë. Valentinin e dënuan me 6 vjet vënie në provë. Çështja kundër motrës sonë 87-vjeçare, Jelena Zajshukut, për momentin është pezulluar për shkak të shëndetit të saj të rënduar.

Tabelë kronologjike

19 janar 2021

Çështja penale transferohet në Gjykatën e Krahinës së Leninskit në Vladivostok
12 nëntor 2019

Çështja penale rikthehet në zyrën e prokurorisë
5 prill 2019

Valentinin, të vetmin vëlla të përfshirë në këtë çështje, e lirojnë nga paraburgimi pas 274 ditësh. E transferojnë në arrest shtëpie
19 prill 2018

Policë të Shërbimit të Sigurimit Federal (FSB) kontrollojnë shtëpitë e shtatë Dëshmitarëve
9 prill 2018

Departamenti Hetimor i FSB-së për Territorin e Primorskit ngriti një çështje penale kundër Valentinit dhe gjashtë motrave

Të dhëna

Nailja Kogai

Lindur: 1951 (Tashkent, Uzbekistan)

Biografia: U rrit me dy vëllezër. Kur ishte e vogël, i pëlqenin sportet. Pas studimeve u diplomua si inxhiniere ndërtimi. Tani është në pension. U martua me Robertin në vitin 1975 dhe bashkë kanë rritur dy fëmijë. Në vitin 1989, Robertin e diagnostikuan me një problem shëndetësor që kërkon kujdes gjatë gjithë kohës. U transferuan në Vladivostok më 2003

Kur studioi me Dëshmitarët e Jehovait, u bind që Bibla është Fjala e Perëndisë. I la mbresa logjika e Biblës dhe dashuria e Perëndisë. U pagëzua në vitin 1997

Komente personale

A të ka thënë ndonjë lajmëtar në kongregacion diçka që të ka ndihmuar të qëndrosh në sprovë?

Shumë motra më kanë thënë: «Je një shembull, një model, për ne. Jemi krenare për ty. Ngaqë ti po qëndron në përndjekje, marrim zemër se mund të qëndrojmë edhe ne!»

Nina Purgei

Lindur: 1940 (Pesok, rajoni i Pskovit)

Biografia: Ka një vëlla më të ri. Është rritur gjatë Luftës II Botërore. Në vitin 1942, fshatin e saj e pushtuan ushtarët gjermanë. Familja e saj shpëtoi për fije pa u ekzekutuar nga nazistët

U martua kur ishte me studime në Akademinë e Marinës në Estoni. Ata kanë dy fëmijë. U transferuan si familje në Vladivostok kur të shoqin e caktuan atje

Në fund të viteve 90 nisi të studionte Biblën me Dëshmitarët e Jehovait. Mësoi se mund të mbështetej gjithmonë te Perëndia për ndihmë. U pagëzua në vitin 1999

Komente personale

Si është forcuar miqësia jote me Jehovain gjatë kësaj periudhe?

Besimi te Jehovai është bërë më i fortë. Iu luta për forcë që të qëndroja besnike deri në fund. Isaia 41:13 më ka ndihmuar të jem e guximshme, sepse më ka bërë të shoh dorën e Atit tim [qiellor]. Jam gati të përballoj gjithçka që mund të ndodhë.

Raisa Usanovi

Lindur: 1947 (Kuznicova)

Biografia: Është rritur me tre vëllezër e një motër. Pas shkollës së mesme, u transferua në Vladivostok për t’u bërë teknike hekurudhash. U martua dhe ka rritur dy vajza. Për 25 vjet ka punuar si shofere tramvaji. Tani është në pension

Në vitin 2000, pas vdekjes së mamasë, motrës dhe një vëllai, nisi të pyeste veten pse vdesin njerëzit dhe a ka shpresë për ata që kanë humbur jetën. Gjeti përgjigje logjike dhe bindëse kur studioi Biblën me Dëshmitarët e Jehovait. U pagëzua në vitin 2002

Komente personale

Cilin mësim ke nxjerrë nga kjo sprovë që do të të ndihmojë për sprovat që mund të vijnë?

Kam mësuar të kem vetëkontroll, sidomos kur flas. Kam mësuar edhe të tregoj qëndrueshmëri dhe të mbështetem plotësisht te Jehovai. Kam filluar ta studioj akoma më shumë Biblën. . . . Dua të qëndroj besnike deri në fund.

Si po përgatitesh për përndjekjen që mund të hasësh?

[Përpiqem] të meditoj më shumë për shkrimet që fryma ‘do të më sjellë ndër mend’ më vonë, tamam atëherë kur të më duhen.—Gjoni 14:26.

Marrim zemër nga shembujt e motrave e vëllezërve tanë të shtrenjtë në Rusi. Ata po provojnë se janë lloji që kanë besimin që shpëton jetën.—Hebrenjve 10:39.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME