27 DHJETOR 2022 | PËRDITËSUAR MË 27 MARS 2023
RUSI

PËRDITËSIM—I VENDOSIN GJOBË | «Kur të hasim sprova, Jehovai do të na bëjë të fortë»

LUAJ

Më 23 mars 2023 Gjykata e Qytetit të Apatitit në Rajonin e Murmanskut shpalli fajtor vëlla Denis Merkulovin dhe e gjobiti me 500.000 rubla (6.485 dollarë amerikanë).

Të dhëna

Denis Merkulovi

Lindur: 1976 (Kirovsk, Rajoni i Murmanskut)

Biografia: Punon si saldator dhe si elektricist

E shqetësonte fakti që vdekja ishte fundi i pashmangshëm i të gjithë njerëzve. U gëzua shumë kur mësoi se çfarë qëllimi ka Perëndia për njerëzit, ndërsa studionte Biblën me Dëshmitarët e Jehovait. U pagëzua më 1995 dhe u martua me Nataljan në vitin 1998

Komente personale

Çfarë ke mësuar për veten gjatë kësaj sprove?

Kam mësuar se në vetvete sprovat nuk të bëjnë automatikisht të krishterë më të mirë. Besimi te Jehovai edhe në gjërat e jetës së përditshme po më ndihmon të qëndroj besnik. E pyes vazhdimisht veten: «Sa besim po tregoj te Jehovai kur marr vendime çdo ditë ose kur vë synime? Sa kohë po i kushtoj leximit të Biblës, përgatitjes për mbledhje dhe predikimit të lajmit të mirë?» Në këtë situatë që ma ka kthyer jetën përmbys, vetëm miqësia e ngushtë me Jehovain dhe besimi i fortë po më ndihmon të ruaj qetësinë dhe besnikërinë.

Cili varg nga Bibla të ka ndihmuar në veçanti?

Një natë para se të më arrestonin, bashkë me time shoqe folëm për Isainë 41:10. Aty thuhet: «Mos ki frikë, se unë jam me ty. Mos ji në ankth, se unë jam Perëndia yt. Unë do të të jap forcë, po, do të të ndihmoj, do të të mbaj fort me të djathtën time të drejtësisë.» Kur më futën në qeli ditën tjetër, kushedi sa herë ia përsërita vetes këtë varg. Në fund të çdo fraze ndaloja dhe meditoja në lutje për të. Në ato momente ndieja sikur Jehovai po m’i thoshte mua ato fjalë. Kuptova se Jehovai nuk lejon të sprovohemi ngaqë jemi të fortë. Përkundrazi, kur të hasim sprova, Jehovai do të na bëjë të fortë.

Marrim zemër kur dimë se, pavarësisht nga sprovat, miqësia me Jehovain dhe besimi tek Ai ‘do të na bëjnë të patundur dhe të fortë’.—1 Pjetrit 5:10.

Tabelë kronologjike

21 korrik 2021

Policia kontrollon 14 shtëpi të Dëshmitarëve të Jehovait në Apatiti dhe në rrethinat e tij. Forca të FSB-së hyjnë me forcë në apartamentin e çiftit Merkulov dhe i arrestojnë për t’i marrë në pyetje. I lirojnë në orën 4 të mëngjesit të ditës tjetër
22 korrik 2021

Denisit i kërkojnë të shkojë sërish në hetuesi. E fusin në burg të përkohshëm
23 korrik 2021

E lirojnë nga burgu dhe e lënë në arrest shtëpie
17 shtator 2021

E lirojnë nga arresti i shtëpisë dhe i vendosin kufizime për udhëtimet
15 korrik 2022

E akuzojnë zyrtarisht se organizon aktivitetet e një organizate ekstremiste ngaqë «këndon këngë» dhe «i lutet Perëndisë Jehova»
20 shtator 2022

Nis procesi gjyqësor

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME