5 TETOR 2021
RUSI

PËRDITËSIM | Këshillat e dashura forcojnë vëlla Vitali Omelshenkon të përballojë përndjekjen

LUAJ

Më 22 shtator 2022 Gjykata Krahinore e Oktiabërskit në Murmansk shpalli fajtor vëllanë Vitali Omelshenko. Ai u gjobit me 580.000 rubla (9.526 dollarë amerikanë).

Tabelë kronologjike

29 janar 2021

Dërgohet në gjykatë çështja penale për Vitalin
20 janar 2020

Policët e ndalojnë që ta marrin në pyetje dhe e lirojnë pas 2 ditësh. Nuk e lejojnë më të komunikojë me të tjerët që ishin përfshirë në çështje, si dhe të përdorë internetin
23 dhjetor 2019

Komiteti Hetimor i Federatës Ruse për Rajonin e Murmanskut hapi një çështje penale kundër Vitalit, për krimin se praktikon besimin si Dëshmitar i Jehovait në shtëpinë e tij

Të dhëna

Vitali Omelshenko

Lindur: 1979 (Rosljakovo, rajoni i Murmanskut)

Biografia: I pëlqen vallëzimi i sallës, patinazhi në akull, të bëjë ski dhe të këndojë. Ka shërbyer në ushtri për 2 vjet

Në vitin 2000 nisi të studionte Biblën me Dëshmitarët e Jehovait dhe u pagëzua në vitin 2001. U martua me Natalinë më 2013. Pas një viti ajo u sëmur rëndë dhe tani është invalide

Komente personale

Ke pasur ndonjë rast që dikush të ka thënë diçka zemërdhënëse, që të ka ndihmuar të qëndrosh gjatë sprovës?

Një vëlla që e kam si baba, më shkroi nga qendra e paraburgimit ku është. Më tha: «Të dy kemi folur në të kaluarën se sa e nevojshme është të jemi të guximshëm, të vendosur, kurajozë, besnikë, të besojmë plotësisht te Jehovai e të mos dyshojmë kurrë se do të na ndihmojë. Tani është momenti t’i shfaqim këto cilësi.»

Çfarë të ka ndihmuar të mos lëkundeshe kur shpifnin për ty?

Mateu 5:11 më kujton se njerëzit ‘do të thonë lloj-lloj gënjeshtrash të liga kundër nesh’. Kjo më ka ndihmuar të përballoj gënjeshtrat gjatë seancave. Shpesh i kujtoj vetes sa të parëndësishëm janë njerëzit krahasuar me Jehovain.

A ke ndonjë sugjerim për të tjerët se si ta përdorin kohën për t’u përgatitur për përndjekjen?

T’i lutemi Jehovait të na ndihmojë të kemi guxim e t’i besojmë edhe për gjëra të vogla. Të ndjekim rregullisht mbledhjet e kongregacionit dhe të kontribuojmë rregullisht me komente. Të dalim në shërbim me motrat e vëllezërit. Atëherë, kur të përballemi me përndjekjen, do të ndiejmë sikur janë gjithnjë aty me ne.

Marrim zemër nga shembulli i Vitalit, ndërsa vazhdon të nxjerrë plotësisht dobi nga drejtimi dhe ngushëllimi nga Shkrimet.—Romakëve 15:4.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME