5 GUSHT 2021
RUSI

PËRDITËSIM | Lutjet e zjarrta ndihmojnë vëlla Anatoli Gorbunovin të ruajë gëzimin

LUAJ

Më 21 qershor 2022, Gjykata e Territorit të Krasnojarskut hodhi poshtë apelimin e vëlla Anatoli Gorbunovit dhe la në fuqi dënimin e tij. Së shpejti do ta transferojnë nga qendra e paraburgimit në një burg.

Më 2 shkurt 2022 Gjykata e Krahinës së Oktjabërskit në Qytetin e Krasnojarskut e shpalli fajtor vëllanë Anatoli Gorbunov dhe e dënoi me 6 vite burg. Vëllanë e arrestuan menjëherë.

Tabelë kronologjike

9 shkurt 2021

Nis procesi gjyqësor kundër Anatolit
15 shtator 2020

I kontrollojnë shtëpinë për herë të dytë. Autoritetet i konfiskojnë çelësat e shtëpisë
25 mars 2020

Ngrihet çështja penale kundër Anatolit. E akuzojnë për organizim të mbledhjeve fetare të një organizate të ndaluar
7 nëntor 2018

I kontrollojnë shtëpinë në mëngjes herët. Autoritetet i konfiskojnë një laptop, një tabletë, një USB, një hardisk dhe dy celularë. Anatolin e çuan te zyra e Komitetit Hetimor të Federatës Ruse për ta marrë në pyetje dhe e liruan pas një ore

Të dhëna

Anatoli Gorbunovi

Lindur: 1957 (Dikankë, Ukrainë)

Biografia: U diplomua si inxhinier elektronik për forcat ajrore. Shërbeu në ushtri për 5 vjet pasi punoi fillimisht në Estoni dhe në Kazakistan. U martua me Galinën në vitin 1978 dhe kanë dy fëmijë

Gjithmonë ka qenë kurioz të dinte nëse ekziston Zoti. Pasi e gjeti përgjigjen për këtë, si dhe për pyetje të tjera të rëndësishme, bashkë me Galinën u pagëzuan si Dëshmitarë të Jehovait më 1996

Komente personale

Për çfarë i je lutur Jehovait gjatë kësaj periudhe?

Jam lutur shpesh që të ruanim gëzimin, sepse kjo ka qenë gjëja më e vështirë për ne. Si Jezu Krishti, edhe apostulli Pavël kanë shkruar sa e rëndësishme është të ruajmë gëzimin, prandaj kur meditoj për fjalët e tyre, jam i lumtur pavarësisht nga situata.

Gjithashtu i lutem Jehovait të më ndihmojë t’i besoj atij plotësisht. Meditoj shpesh për fjalët e Isaisë 41:10, të cilat më kanë ndihmuar në një mënyrë të veçantë. E kuptoja se më kishte pushtuar ankthi ngaqë nuk po e lija veten plotësisht në duart e Jehovait dhe ngaqë nuk besoja me gjithë zemër premtimin e tij se do të më mbështeste dhe do të më mbronte. Lutem që të ndiej se më ka kapur prej dore.

Ndërsa Anatoli dhe familja e tij vazhdojnë të besojnë te Jehovai duke iu lutur, jemi të sigurt se Ai do t’i mbështetë dhe do t’i ndihmojë të ruajnë gëzimin.—Psalmi 25:1, 2.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME