9 DHJETOR 2022 | PËRDITËSUAR MË 25 PRILL 2023
RUSI

PËRDITËSIM—MOTRËN E GJOBITIN | «Më ndihmojnë lutjet e zjarrta»

LUAJ

Më 25 prill 2023 Gjykata e Krahinës së Metalurgiçeskit në Çeljabinsk e shpalli fajtore motrën Irina Mihajlenko dhe e gjobiti me 120.000 rubla (1.471 dollarë amerikanë).

Të dhëna

Irina Mihajlenko

Lindur: 1969 (Çeljabinsk, Rajoni i Çeljabinskut)

Biografia: Drejtuese dhe bashkëthemeluese e një studioje ligjore

I bënë përshtypje plotësimi i profecive të Biblës dhe parimet e saj praktike. U pagëzua si Dëshmitare e Jehovait në vitin 1997

Komente personale

Ç’të ndihmon të ruash paqen?

Më ka ndihmuar shembulli i Jezuit që u lut pareshtur në kopshtin e Getsemanisë, kur ishte në ankth. Edhe pasi e forcoi engjëlli, ai vazhdoi të lutej me ngulm. (Luka 22:41-44) Edhe mua më ndihmojnë lutjet e zjarrta kur përjetoj ankth ose frikë.

Përveç kësaj më ka pëlqyer shumë përvoja e vëlla Dimitri Mihajlovit, që po ashtu është në një proces gjyqësor për akuza penale. Kur e intervistuan, tha: «Sa më shumë të përqendrohemi tek ajo që kishim më përpara, aq më shumë do të vuajmë. Sa më shpejt të pranojmë rrethanat e reja, aq më shpejt do të na kthehet gëzimi dhe do të kuptojmë si të nxjerrim më të mirën nga kjo situatë.» Ato fjalë më mbetën në mendje. Kur ndjek këtë këshillë, ndiej gëzim të madh dhe nxitem të jem sa më aktive të jetë e mundur në shërbim të Jehovait.

Marrim zemër tek shohim zellin e Irinës dhe besimin e saj te Jehovai, i cili vazhdon të ruajë «jetën e besnikëve të tij».—Psalmi 97:10.

Tabelë kronologjike

26 mars 2019

Kontrollojnë shtëpitë e 10 familjeve të Dëshmitarëve të Jehovait në zonën e Çeljabinskut, ndër to edhe shtëpinë e Irinës
31 gusht 2021

Ngrihet një çështje penale
22 tetor 2021

I kontrollojnë sërish shtëpinë. E marrin në pyetje dhe i vënë kufizime për udhëtimin
27 tetor 2021

E akuzojnë zyrtarisht se merr pjesë në aktivitetet e një organizate fetare të ndaluar
7 shtator 2022

Nis procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME