26 KORRIK 2023 | PËRDITËSUAR MË 20 DHJETOR 2023
RUSI

PËRDITËSIM—MOTRËN TONË E SHPALLIN FAJTORE | ‘E kam Jehovain gjithmonë përkrah’

LUAJ

Më 19 dhjetor 2023, Gjykata Krahinore e Dimitrovskit në Kostromë shpalli fajtore motrën Valentina Samusi dhe e dënoi me 6 vjet vënie në provë. Për momentin, asaj nuk i kërkohet të futet në burg.

Të dhëna

Valentina Samusi

Lindur: 1949 (Kostromë, Rajoni i Kostromës)

Biografia: Ka punuar si infermiere. Tani ka dalë në pension

U martua me Ivanin më 1970. Kanë një djalë dhe një vajzë

I kërkoi ndihmë Perëndisë që ta njihte. Shpejt pas kësaj takoi Dëshmitarët e Jehovait dhe filloi të studionte Biblën me ta. U pagëzua më 2007

Komente personale

Si është forcuar miqësia jote me Jehovain gjatë kësaj periudhe të vështirë?

Kjo situatë më ka forcuar sigurinë se Jehovai do të më ndihmojë përherë dhe se ai nuk ndryshon kurrë. Jehovai është Ati im dhe e kam gjithmonë përkrah. E kam provuar sa e sa herë se, kur i drejtohem atij në lutje, çdo frikë e ankth fashitet. Mund të flas me Jehovain pa rezerva për çdo gjë. Jam e bindur se çfarëdo të lejojë Jehovai, në fund do të dalë për të mirën time. Kjo më shton dëshirën që t’i qëndroj besnike, të ndodhë ç’të ndodhë. Fakti që ne si shërbëtorë të Perëndisë po vazhdojmë t’i shërbejmë me gëzim pavarësisht nga përndjekjet, vërteton se Jehovai po na jep forcë të qëndrojmë besnikë. I lutem vazhdimisht Jehovait që besimi im të mbetet i fortë dhe që dashuria ime për Të të mos venitet, por të bëhet gjithnjë e më e zjarrtë.

Marrim forcë kur kuptojmë se mund të mbështetemi te Jehovai në të gjitha sprovat që hasim, të sigurt se «nuk ka shkëmb si Perëndia ynë».—1 Samuelit 2:2.

Tabelë kronologjike

17 shkurt 2022

Ngrihet çështja penale
15 mars 2022

I kontrollojnë shtëpinë
15 dhjetor 2022

Ngrenë akuza penale dhe i vendosin kufizime për udhëtimet
24 mars 2023

Fillon procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME