4 JANAR 2023 | PËRDITËSUAR MË 17 NËNTOR 2023
RUSI

PËRDITËSIM—MOTRËN TONË E SHPALLIN FAJTORE | E vendosur të ndihmojë të tjerët ndonëse vetë po has përndjekje

LUAJ

Më 15 nëntor 2023, Gjykata Krahinore e Kuznetskit në Novokuznetsk shpalli fajtore motër Tatjana Sushilnikovin dhe e dënoi me 4 vjet vënie në provë. Për momentin nuk i duhet të futet në burg.

Të dhëna

Tatjana Sushilnikovi

Lindur: 1959 (Korkino, Rajoni i Çeljabinskut)

Biografia: Ka punuar si inxhiniere e sigurisë dhe si përgjegjëse në një fabrikë. U martua me Sergein më 1979 dhe kanë 2 vajza

Dëgjoi për Dëshmitarët e Jehovait nga një e afërme. Ajo dhe i shoqi filluan të studionin Biblën dhe u bëri shumë përshtypje dashuria mes Dëshmitarëve. U pagëzuan të dy në vitin 1996

Komente personale

Si ke marrë forcë nga shembulli i të tjerëve?

Më kanë ndihmuar artikujt për vëllezërit e motrat që i kanë arrestuar dhe i kanë çuar në gjyq. Falë atyre lajmeve arrita të kuptoja çfarë më priste, prandaj nuk më kapi paniku ose frika kur më erdhi radha mua. Gjithashtu, ata që janë në burg, po lënë një shembull të shkëlqyer. Edhe pse u duhet të përballen me rrethana shkurajuese për vete, ata shkruajnë letra për t’u dhënë zemër vëllezërve e motrave jashtë burgut.

Edhe im shoq, Sergei, më ka ndihmuar jashtë mase. Kur çështjen e tij e çuan në gjyq, ai nuk e humbi as besimin te Jehovai, as vendosmërinë për t’i qëndruar besnik. Sergei nuk lejoi ta vinte poshtë frika për atë që mund t’i ndodhte. Ai mendonte në radhë të parë për vëllezërit dhe përpiqej të gjente mënyra për t’u dhënë zemër. Jam e vendosur të ndihmoj ata që kam pranë me gjithë sa mundem. Kur përqendrohem te të tjerët, bëj një jetë më shpërblyese dhe nuk lejoj të më mbysin hallet e mia.

Ashtu si Tatjana, edhe ne marrim forcë nga shembulli ‘i resë së madhe të dëshmitarëve’, të cilët përballojnë përndjekjen me ndihmën e Jehovait.—Hebrenjve 12:1.

Tabelë kronologjike

8 qershor 2021

Policë të armatosur të FSB-së bastisin 3 shtëpi të Dëshmitarëve të Jehovait në Novokuznetsk. Tatjanën dhe të shoqin, Sergein, i marrin në pyetje për 3 orë
20 qershor 2022

Ngrihet një çështje penale. E akuzojnë se bën biseda për fenë dhe merr pjesë në mbledhje
22 korrik 2022

E akuzojnë zyrtarisht
27 shtator 2022

Fillon procesi penal. Gjykatësi ia kthen çështjen prokurorisë për shkelje të procedurave
16 nëntor 2022

Rifillon procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME