20 QERSHOR 2023 | PËRDITËSUAR MË 23 GUSHT 2023
RUSI

PËRDITËSIM—MOTRËN TONË E SHPALLIN FAJTORE | «Unë mund t’i qëndroj besnike Jehovait»

LUAJ

Më 22 gusht 2023, Gjykata Krahinore e Oktiabërskut në Novosibirsk shpalli fajtore motër Tatjana Alenikun dhe e dënoi me 4 vjet vënie në provë. Për momentin, nuk duhet të futet në burg.

Të dhëna

Tatjana Aleniku

Lindur: 1952 (Krushçjevë, Rajoni i Tulës)

Biografia: Tatjana ishte 5 vjeçe kur i vdiq e ëma. Ka punuar si drejtuese vinçi. Ka një djalë dhe një vajzë

U pagëzua si Dëshmitare e Jehovait në vitin 2001

Komente personale

Cila cilësi e krishterë të ka ndihmuar në këtë situatë aspak të lehtë?

Kjo situatë e vështirë më ka ndihmuar të kuptoj më mirë rëndësinë e përulësisë. Në të kaluarën e kisha pak zakon t’i bëja gjërat me kokën time. Por kam provuar dobitë që vijnë kur ndjek me kujdes drejtimin, dhe kjo më ka motivuar të vazhdoj ta ndjek atë drejtim.

Si të kanë ndihmuar shembujt e atyre që po e përballojnë përndjekjen me guxim?

Kur lexoj ose dëgjoj për historitë e këtyre vëllezërve e motrave, më forcohet siguria se nuk jam vetëm. Nëse ata ia dalin t’i përballojnë me besnikëri sprovat, edhe unë mund t’i qëndroj besnike Jehovait. I njoh nga afër vëllanë Aleksandër Sjerjodkin dhe të shoqen. Aktualisht ai po vuan dënimin me 6 vite burg. Shembulli i tyre më ka dhënë jashtë mase zemër dhe më ka treguar se Jehovai është në gjendje të na ndihmojë në lloj-lloj mënyrash. Sa të vërteta janë fjalët te Hebrenjve 13:5, 6: «Sepse ai ka thënë: ‘Kurrsesi nuk do të të lë dhe kurrsesi nuk do të të braktis.’ Kështu mund të themi plot guxim: ‘Jehovai është ndihma ime, nuk do të kem frikë.’»

Jemi plotësisht të bindur se Jehovai do të vazhdojë të bekojë Tatjanën dhe të gjithë ata që janë ‘të gatshëm të binden’ në çdo gjë.—Jakovi 3:17.

Tabelë kronologjike

19 prill 2019

I kontrollojnë shtëpinë
18 nëntor 2021

Ngrihet një çështje penale
26 janar 2023

Nis procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME