18 NËNTOR 2021
RUSI

PËRDITËSIM | Miqësia me Jehovain dhe me bashkëbesimtarët e ndihmon vëlla Andrej Ledjakinin të qëndrojë i fortë

LUAJ

Më 26 prill 2022 Gjykata e Qytetit të Severskit në Rajonin e Tomskut shpalli fajtor vëlla Andrej Ledjakinin dhe e dënoi me 26 muaj burg. Atë e futën menjëherë në burg.

Tabelë kronologjike

12 korrik 2021

Nis gjyqi
30 mars 2021

E akuzojnë për pjesëmarrje në veprimtari ekstremiste
29 mars 2021

I vendosin kufizime për udhëtimin
25 mars 2021

Ngrihet një çështje penale kundër Andrejit. Si pasojë e pushojnë nga puna
14 korrik 2020

Oficerë të Shërbimit të Sigurimit Federal (FSB) dhe dy policë arrestojnë Andrejin në vendin e punës. Më vonë i kontrollojnë shtëpinë për 12 orë
Mars-prill 2020

Një agjente e FSB-së hiqet sikur ka interes për Biblën dhe filmon fshehurazi bisedat e saj me Andrejin dhe me motra e vëllezër të tjerë

Të dhëna

Andrej Ledjakini

Lindur: 1988 (Seversk, rajoni i Tomskut)

Biografia: I pëlqen të bëjë ski, patinazh, të notojë dhe të bëjë shëtitje në natyrë. Ka punuar si llogaritar

Pasi i vdiq gjyshi, e mundonin shumë pyetje për vdekjen, Zotin dhe të ardhmen. Pa shumë entuziazëm pranoi ftesën e një shoku të tij për të ndjekur një mbledhje të Dëshmitarëve të Jehovait. Mirëpo i bëri menjëherë shumë përshtypje dashuria që i treguan. U pagëzua në vitin 2013. Aktualisht është i vetmi Dëshmitar i pagëzuar në familjen e tij

Komente personale

Si të ka dhënë forcë miqësia me Jehovain?

Jehovai nuk më ka braktisur asnjë çast gjatë gjithë kësaj kohe . . . Në këtë periudhë kam përjetuar ndihmën dhe mbështetjen e tij më shumë se asnjëherë tjetër gjatë tërë viteve që i shërbej. Ai e di që po vuaj për hir të emrit të tij dhe nuk i braktis kurrë ata që i qëndrojnë besnikë. Jehovai është miku më i mirë që mund të ketë një njeri!

Si të kanë dhënë forcë miqësitë me Dëshmitarët e tjerë?

Ndonjëherë mbetem pa fjalë dhe s’gjej dot mënyrën për ta shprehur mirënjohjen që ndiej për dashurinë që më shfaqin. Duket qartë që në popullin e Jehovait nuk ekziston koncepti «secili për vete». Kur dikush nga ne përjeton dhimbje, gjithë të tjerëve u dhemb shpirti.

Marrim zemër kur shohim, se pavarësisht nga vështirësitë që po has Andreji, Jehovai dhe miqtë ‘po e mbajnë në pëllëmbë të dorës’.—Psalmi 4:3.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME