4 JANAR 2022
RUSI

PËRDITËSIM | Përgatitja dhe shpresa ndihmojnë vëlla Pjotër Krupnovin dhe bashkëshorten e tij, Majan

LUAJ

Më 9 mars 2022, Gjykata Rajonale e Penzës hodhi poshtë apelimin e vëlla Pjotër Krupnovit dhe bashkëshortes së tij, Majas. Për momentin nuk duhet të futen në burg.

Tabelë kronologjike

30 dhjetor 2021

Gjykata e Krahinës së Nikolskijt në Rajonin e Penzës e shpalli fajtor Pjotrin dhe gruan e tij, Majan, dhe i dënoi me 3 vjet vënie në provë
25 tetor 2021

Nis procesi penal
12 tetor 2021

Pjotri dhe Maja i shtohen listës së terroristëve dhe të ekstremistëve ngaqë diskutojnë me miqtë për materiale fetare
15 shtator 2021

Ngrihet çështje penale kundër Majas. Më vonë edhe Pjotrin e përfshijnë në çështje si të pandehur
11 tetor 2020

Oficerët e sigurimit kontrollojnë shtëpitë e 4 familjeve Dëshmitarë të Jehovait në Nikolsk, ndër to edhe shtëpinë e çiftit Krupnov

Të dhëna

Pjotër Krupnovi

Lindur: 1963

Biografia: Punon si hidraulik. Në vitin 1996 nisi të studiojë Biblën me Dëshmitarët e Jehovait. Pasi lexoi botimet tona dhe vërejti me kujdes si sillej mësuesi i tij i Biblës, u bind se kishte gjetur të vërtetën. U pagëzua në vitin 2002

Me Majan u njoh në një mbledhje kongregacioni dhe u martuan në vitin 2008

Komente personale

A mund të na tregosh një rast kur ndjeve dorën e Jehovait?

[Më kujtohet një rast kur] iu luta Jehovait për frymën e shenjtë dhe pastaj më erdhi ndër mend Gjoni 10:28, që thotë: «Askush nuk do të m’i rrëmbejë nga dora.» Ndërsa mendoja thellë për këtë varg, u ndjeva i fortë dhe i lumtur. E ndieja se Ati im ishte pranë meje. Kjo më dha siguri dhe qetësi.

Çfarë po të ndihmon që të qëndrosh?

Përpiqem të mbaj në mendje se, pavarësisht sa të vështira mund të jenë sprovat tona, ato janë asgjë krahasuar me [privilegjin] për t’i shërbyer Jehovait dhe me mundësinë për të jetuar përgjithmonë në parajsë. Dashuria për Perëndinë dhe për bashkëbesimtarët më jep forcën e nevojshme për të përballuar sprovat.

Maja Krupnovi

Lindur: 1957 (Atasu, Kazakistan)

Biografia: Ka punuar si pastiçere. Tani është në pension dhe i pëlqen të merret me kopshtin

Për herë të parë për Dëshmitarët e Jehovait i foli e bija dhe u pagëzuan të dyja më 2001

Komente personale

Si u përgatite për këto sprova?

Fillova të përgatitesha që kur nisën arrestimet [në një qytet këtu afër]. Lexova librin e Esterës dhe të Jeremisë, që gjenden në Bibël. . . . Lexoja raportet në sitin tonë dhe i mësova përmendsh këngët tona. Bëra gati një «çantë emergjence» dhe një çantë tjetër që t’i merrja me vete në burg. . . . U luta për mençuri dhe për guxim që të ruaja qetësinë dhe t’i përballoja me dinjitet sprovat.

Si të kanë mbështetur vëllezërit e motrat?

Secili më ka dhënë kaq shumë zemër, sidomos kur kisha vërtet nevojë. Kur ndihesha përtokë, ata më merrnin në telefon dhe më shkruanin, duke më siguruar se më donin. . . . E kam ditur gjithmonë sa familje të madhe e të dashur kam. Mirëpo, që nga viti 2020 kjo është bërë edhe më reale për mua.

Marrim zemër nga shembulli i Pjotrit dhe i Majas ndërsa ata vazhdojnë të patundur të shpresojnë e të mbështeten te Jehovai.—Hebrenjve 6:19.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME