26 KORRIK 2021
RUSI

PËRDITËSIM | «Përndjekja më ka afruar më tepër me Jehovain»

LUAJ

Më 20 prill 2022, Gjykata Rajonale e Krasnodarit hodhi poshtë apelimin e vëlla Vladimir Skaçidubit. Ai vazhdon të mbetet në burg.

Tabelë kronologjike

Më 11 tetor 2021, Gjykata e Krahinës së Pavlovskit në Territorin e Krasnodarit e shpalli fajtor Vladimirin dhe e dënoi me katër vjet e dy muaj burg
30 dhjetor 2020

Nisin seancat e para gjyqësore
23 korrik 2020

E futin në listën federale të ekstremistëve
23 qershor 2020

E akuzojnë për krim, ngaqë po predikonte

Të dhëna

Vladimir Skaçidubi

Lindur : 1961 (Pavlovskaja, territori i Krasnodarit)

Biografia: Pasi shërbeu në ushtri, studioi për inxhinieri radiofonike në një shkollë në Taganrog, Rajoni i Rostovit. Prindërit i vdiqën kur ishte 25 vjeç. Në atë kohë u kthye në qytetin e tij që të kujdesej për të motrën, Natalinë, e cila ishte 15 vjeçe. Ajo vdiq nga leucemia në vitin 2003. Kohët e fundit Vladimiri ka punuar si makinist në një fabrikë. I pëlqen fotografia dhe kitara

Vladimirit i lindi kureshtja për Biblën kur Natalia dhe shoqja e saj, Galina, filluan të flitnin me Dëshmitarët e Jehovait. Mbeti pa fjalë nga shpjegimi për krijimin dhe me kohë pranoi të studionte Biblën. Hoqi dorë nga duhani dhe abuzimi me alkoolin. U martua me Galinën në vitin 1997. Ai u pagëzua në vitin 1998, kurse Galina në vitin 2016

Komente personale

Për çfarë i je lutur Jehovait gjatë kësaj periudhe?

Jam lutur për frymën e shenjtë, për drejtim dhe për forcë përtej asaj që është normale. Kur nisën hetimet, . . . u luta që të shenjtërohej emri i Jehovait sa herë të flisja me hetuesin. Herën e fundit që më morën në pyetje, hetuesi më lavdëroi dhe më tha se isha sjellë me dinjitet.

Çfarë ke mësuar gjatë kësaj sprove që do të të ndihmojë të përballosh sprovat e besimit në të ardhmen?

Përndjekja më ka afruar më tepër me Jehovain dhe më ka mësuar të mos më lëshojë zemra në kohë të vështira, por të mbështetem plotësisht tek Ai.

Ashtu si Vladimiri, edhe ne jemi absolutisht të sigurt se Jehovai do ta mbështetë gjithnjë, ‘që të përballojë çdo gjë me durim e gëzim’.—Kolosianëve 1:11.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME