Më 6 mars 2024, Gjykata e Qytetit të Magadanit në Rajonin e Magadanit shpalli fajtorë këta vëllezër e motra: Sergei Agadzhanovi, Ljubova Asatrjani, Galina Dergaçjovi, Ina Kardakovi, Irina Hvostovi, Galina Pjeçko, Konstantin Pjetrovi, Ivan Pujda, Viktor Revjakini, Mihail Solncevi, Oksana Solncevi, Sergei Jerkini dhe Jevgeni Zjablovi.

Sergei Agadzhanovin, Ljubovën, Galina Dergaçjovin, Inën, Irinën, Galina Pjeçkon, Viktorin, Mihailin dhe Oksanën i dënuan secilin me 3 vjet vënie në provë. Jevgenin e dënuan me 5 vjet vënie në provë. Konstantinin, Ivanin dhe Sergei Jerkinin i dënuan secilin me 7 vjet vënie në provë. Për momentin, asnjërit prej tyre nuk i kërkohet të futet në burg.

1. 30 maj 2018

   Ngrihet një çështje penale kundër Ivanit, Konstantinit, Sergei Jerkinit dhe Jevgenit. I akuzojnë se organizojnë veprimtaritë e një organizate ekstremiste

2. 1 qershor 2018

   Të katër vëllezërit i futin në paraburgim

3. 3 gusht 2018

   Konstantinin e lirojnë nga paraburgimi dhe e lënë në arrest shtëpie

4. 5 tetor 2018

   Ivanin, Sergei Jerkinin dhe Jevgenin i lirojnë dhe i lënë në arrest shtëpie

5. 20 mars 2019

   Ngrihet një çështje penale kundër Sergei Agadzhanovit, Galina Dergaçjovit, Inës, Irinës, Ljubovës, Mihailit, Oksanës dhe Viktorit. Të gjithëve u vendosin kufizime për udhëtimin

6. 27 mars 2019

   Ivanin, Konstantinin, Sergei Jerkinin dhe Jevgenin i lirojnë nga arresti i shtëpisë dhe u vendosin kufizime për udhëtimin

7. 1 prill 2019

   Çështjet penale kundër vëllezërve e motrave bashkohen në një të vetme

8. 2 mars 2021

   Galina Pjeçkos i vendosin kufizime për udhëtimin

9. 5 mars 2021

   Galina Pjeçkon e akuzojnë se merr pjesë në aktivitetet e një organizate ekstremiste. Çështjen e saj ia bashkëngjitin çështjes së 12 vëllezërve e motrave të tjerë

10. 25 prill 2022

    Nis procesi penal

Marrim zemër tek shohim që vëllezërit e motrat nuk e humbin gëzimin, megjithëse ‘po i poshtërojnë për emrin e Krishtit ndërsa fryma e Perëndisë prehet mbi ta’.—1 Pjetrit 4:14.