1 PRILL 2024 | PËRDITËSUAR MË 30 KORRIK 2024
RUSI

PËRDITËSIM—SHPALLEN FAJTORË | «As e çoj nëpër mend të dorëzohem»

LUAJ

Më 30 korrik 2024, Gjykata e Qytetit të Nikolajevskit-mbi-Amur në Territorin e Habarovskut, shpalli fajtorë vëllezërit Igor Kletkin, Nikolai Kononenko dhe motrën Nadjezhda Koroboçko. Igorin dhe Nikolain i dënoi secilin me 6 vjet vënie në provë, kurse Nadjezhdën me 5 vjet vënie në provë. Për momentin nuk u kërkohet të futen në burg.

Të dhëna

Igor Kletkini

Lindur: 1961 (Nikolajevsk-mbi-Amur)

Biografia: Ka punuar si shofer

Pas një aksidenti që ia la nënën të paralizuar, Igori filloi të pyeste pse ndodhin këto gjëra. U kënaq që mori përgjigje të qarta nga Bibla. U pagëzua si Dëshmitar i Jehovait më 1999

Komente personale

Çfarë të ndihmon të kesh një qëndrim pozitiv gjatë kësaj periudhe të vështirë?

Nuk e shikoj këtë sprovë si diçka që e ka ndarë jetën time në periudhën «para» dhe «pas» persekutimit. Përkundrazi, të gjithë këtë e shoh si pjesë të shërbimit ndaj Jehovait. Mbaj në mendje fjalët e Jezuit te Gjoni 15:20: «Nëse më kanë përndjekur mua, do t’ju përndjekin edhe ju.» As e çoj nëpër mend të dorëzohem. Po të veproja kështu, do të tradhtoja Jehovain, Jezuin dhe vëllezërit e motrat. Jam i vendosur të lë një shembull të mirë për të tjerët.

Nadjezhda Koroboçko

Lindur: 1943 (Shahti, Territori i Rostovit)

Biografia: Ka punuar si llogaritare. Ka rritur 4 fëmijë

E lexonte Biblën, por e kishte të vështirë ta kuptonte vetë. Filloi të studionte me Dëshmitarët e Jehovait. U gëzua kur njohu Perëndinë dhe cilësitë e tij. U pagëzua më 1996

Komente personale

Çfarë ke mësuar për Jehovain gjatë kësaj situate të vështirë?

Kjo situatë më ka mësuar se Jehovai jo vetëm sheh çfarë po ndodh, por edhe çfarë ndikimi emocional ka tek unë. Prandaj më siguron fiks ndihmën që më nevojitet. Sa herë që ndihem në ankth dhe e kam të vështirë të mendoj kthjellët, ai më jep paqe. Më ndihmon të kujtoj vargje nga Bibla që i përshtaten më së miri momentit në të cilin ndodhem. Sa më e rëndë sprova, aq më shumë e ndiej frymën e Jehovait, dhe më i fortë bëhet besimi im tek ai.

Falënderojmë Jehovain për kujdesin e dashur dhe mbështetjen që siguron për të gjithë ata që besojnë tek ai dhe thonë: «Ti je Perëndia im.»—Psalmi 31:14.

Tabelë kronologjike

11 tetor 2021

Igorit dhe Nadjezhdës u kontrollojnë shtëpitë. Igorin e futin në një burg të përkohshëm
12 tetor 2021

Nadjezhdën e marrin në pyetje
13 tetor 2021

Igorin e lirojnë nga burgu i përkohshëm
14 tetor 2021

Igorit dhe Nadjezhdës u vendosin kufizime për udhëtimet
27 shtator 2022

Nikolait i vendosin kufizime për udhëtimet
16 janar 2023

Nis procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME