14 KORRIK 2021 | PËRDITËSUAR MË 2 DHJETOR 2022
RUSI

PËRDITËSIM—SHPALLET VENDIMI | Përgatitja për përndjekjen ka ndihmuar tre vëllezër që të qëndrojnë besnikë

LUAJ

Më 30 nëntor 2022, Gjykata e Krahinës së Usuriskit në Territorin e Primorjes shpalli fajtorë vëllezërit Anton Çjermniku, Sergej Korolçuku dhe Dimitri Tishçjenko. Secili u dënua me 6 vjet vënie në provë dhe për momentin nuk u kërkohet të shkojnë në burg.

Tabelë kronologjike

23 shtator 2020

Fillojnë seancat gjyqësore kundër Antonit, Sergejit dhe Dimitrit
7 korrik 2020

Ngrenë zyrtarisht akuzën kundër Antonit, Sergejit dhe Dimitrit se kanë pozita drejtuese në një organizatë fetare të ndaluar e të shpallur «ekstremiste»
18 qershor 2019

Sergejin e futin për dy ditë në një qendër paraburgimi

Të dhëna

Anton Çjermniku

Lindur: 1987 (Magdeburg, Gjermani)

Biografia: Ka një vëlla binjak. Ishte i vogël kur i ati braktisi familjen. Që pasi mbaroi shkollën, ka punuar si inxhinier programimi

E mësoi të vërtetën nga e ëma. E tërhoqi mesazhi i qartë i Biblës për qëllimin e jetës. U pagëzua si Dëshmitar i Jehovait në vitin 2004. U martua me Jekaterinën më 2013. Kanë një vajzë, Milanën

Komente personale

Çfarë të ndihmoi të përgatitesh që më përpara për përndjekjen që mund të ndodhte?

E mendoja shpesh përndjekjen dhe në mendjen time përfytyroja gjithë skenat e mundshme të asaj që mund t’i ndodhte familjes sime ose mua. Gjithmonë jam përpjekur të mbaj një program të mirë të studimit personal. Sidomos kur filluan arrestimet e para në Rusi, e kuptova se edhe unë mund të përfundoja në ndonjë qendër paraburgimi ku nuk do të kisha Bibël ose botime.

Sergej Korolçuku

Lindur: 1967 (Vladivostok, Territori i Primorjes)

Biografia: Shërbeu në ushtri dhe u bë agjent i Komitetit të Sigurimit të Shtetit (KGB). Më vonë punoi si drejtues kamioni dhe i makinerive të tjera në një kompani mobiliesh. Kohët e fundit ka punuar si sanitar. Në vitin 1989 u martua me Jelenën. Kanë dy fëmijë

I bëri përshtypje shpjegimi i Biblës për ngjarjet që ndodhin në botë dhe shpresa që tregon ajo për të ardhmen. Më 1993 u pagëzua si Dëshmitar i Jehovait

Komente personale

Çfarë ke mësuar gjatë kësaj sprove që do të të ndihmojë të përballosh sprovat e besimit në të ardhmen?

E shoh qartë se gjithçka po ndodh tamam siç kishte thënë Krishti. S’kemi arsye që të na mbytë ankthi. Përkundrazi duhet të ruajmë qetësinë dhe, kur është e mundur, t’u flasim të tjerëve për të vërtetën me takt dhe me respekt. Unë dhe familja ime jemi të përgatitur për çfarëdolloj vendimi që do të marrë gjykata.

Teksa gjyqet dhe përndjekja vazhdojnë, jemi të sigurt se Jehovai do të bekojë besnikërinë e Antonit, të Sergejit dhe të Dimitrit.—Proverbat 28:20.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME