31 JANAR 2022 | PËRDITËSUAR MË 27 MARS 2023
RUSI

PËRDITËSIM—ULET DËNIMI | Motër Ludmilla Salikovi merr forcë e ngushëllim nga Jehovai

LUAJ

Më 23 mars 2023, Gjykata Rajonale e Çeljabinskut shpalli vendimin për apelimin e dytë të motrës Ludmilla Salikovi. Gjykata e reduktoi dënimin e saj nga 6 vjet vënie në provë në dy vite e gjysmë. Për momentin, ajo nuk duhet të shkojë në burg.

Më 17 mars 2022, Gjykata Rajonale e Çeljabinskut e hodhi poshtë apelimin e Ludmillës.

Më 20 janar 2022, Gjykata e Qytetit të Snezhinskit në Rajonin e Çeljabinskut e shpalli fajtore Ludmillën dhe e dënoi me 6 vjet vënie në provë.

Tabelë kronologjike

Nëntor 2020

Policë në Snezhinsk kontrollojnë shtëpitë e katër familjeve Dëshmitarë të Jehovait, ndër këto edhe të Ludmillës. Policia ushtron kontroll edhe në vendin e saj të punës. Pas kësaj, motrën e detyrojnë të japë dorëheqjen
26 gusht 2021

Kundër Ludmillës ngrihet një çështje penale ku e akuzojnë për organizim të mbledhjeve të një organizate fetare të ndaluar dhe për importim literature të ndaluar
8 dhjetor 2021

Nis gjyqi penal

Të dhëna

Ludmilla Salikovi

Lindur: 1951 (Sisert)

Biografia: U martua në vitin 1971. Ka rritur 3 djem. I shoqi i vdiq më 2009. Ka punuar si inxhiniere elektrike për qytetin e Snezhinskit. I pëlqen të udhëtojë

Motra e saj e madhe nisi të studionte Biblën në vitin 1999 dhe gjashtë muaj më vonë, filloi edhe Ludmilla. Gjeti shpjegime të kënaqshme për domethënien e jetës, si edhe pse ka kaq shumë padrejtësi, dhunë dhe luftë. U pagëzua më 2002

Komente personale

Si të është forcuar miqësia me Jehovain gjatë këtyre sprovave?

Para se të ndodhte e gjithë kjo, e kritikoja shpesh veten dhe ndihesha sikur Jehovai nuk më vlerësonte . . . Por tani kam ndryshuar mendje dhe e kam më të thjeshtë ta siguroj veten se kam vlerë për Jehovain. Për më tepër, Jehovai më ka dhënë privilegjin të shenjtëroj emrin e tij në gjykatë këtu në Snezhinsk. Kjo ma ka forcuar bindjen se Ai më do dhe më beson. Çdo situatë që lejon Jehovai në jetën time e shoh si një mundësi për t’i treguar se mund të vazhdojë të besojë tek unë.

Si të ka ndihmuar të qëndrosh në sprovë diçka inkurajuese që të ka thënë një vëlla a motër?

Para se të niste seanca e parë dëgjimore, isha jashtë mase në ankth. . . . U luta: «. . . Të lutem Jehova më jep frymën tënde të shenjtë. Të përgjërohem!» S’kaloi shumë dhe mora një mesazh nga një motër. Aty thuhej: «. . . Një sprovë besimi është si një lavatriçe. ‘Të rrotullon, të shkund, të përdredh e të shtrydh.’ Por si rezultat dalim më të pastër e më të mirë nga ç’ishim. Të gjithë kontrollet, marrjet në pyetje dhe hetimet ‘të kanë përdredhur e shtrydhur’. Ama këto sprova e sfida të kanë bërë më të çmuar në sytë e Jehovait dhe në sytë tanë gjithashtu. . . . Jemi të sigurt se nesër në mëngjes s’do të jesh thjesht në një sallë gjyqi, por edhe në krahët e fuqishëm të Jehovait.» Ndjeva se Jehovai e kishte parë mirë se për çfarë kisha nevojë, dhe përdori atë motër të dashur që të më tregonte sa shumë më donte.

Vëllezërit e motrat tanë në Rusi po vazhdojnë të marrin forcë e ngushëllim nga Jehovai. Perëndia ynë i dashur na ka dhënë fjalën se ‘do t’i sigurojë drejtësi jetimit dhe të dërrmuarit, që çdo vdekatar mbi faqen e dheut të mos u kallë më frikën’.—Psalmi 10:18.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME