13 GUSHT 2021 | PËRDITËSUAR MË 6 MARS 2023
RUSI

PËRDITËSIM—ULET DËNIMI | Vëllezërit Baranov dhe Li qëndrojnë të qetë, me besim te Jehovai

LUAJ

Më 1 mars 2023, Gjykata e Territorit të Habarovskut uli dënimin e vëllait Igor Baranov pasi ai e kishte apeluar çështjen. Tani dënimi i tij është 4 vite e gjysmë vënie në provë dhe për momentin nuk i duhet të futet në burg.

Më 6 qershor 2022, Gjykata e Krahinës së Vjazemskit në Territorin e Habarovskut shpalli fajtor Igorin dhe e dënoi me 5 vjet vënie në provë. Mjerisht, vëllai Jen Sen Li vdiq para se të përfundonte procesi gjyqësor.

Tabelë kronologjike

2 shkurt 2021

Nisin seancat gjyqësore të çështjes kundër Igorit dhe Jen Senit
20 nëntor 2020

Igorin e lirojnë nga qendra e paraburgimit pas 177 ditësh
26 gusht 2020

Gjykata Qendrore e Krahinës së Habarovskut konfiskoi makinën e Jen Senit
29 maj 2020

Igorin e fusin në një qendër paraburgimi
26 maj 2020

Ngrihet çështja penale kundër Igorit dhe Jen Senit në Territorin e Habarovskut

Të dhëna

Igor Baranovi

Lindur: 2001 (Olovjanaja, territori i Trans-Bajkalit)

Biografia: Ka dy vëllezër më të mëdhenj. I ati i vdiq në vitin 2013. I pëlqen natyra dhe kafshët. Para se ta arrestonin, po studionte për pylltari

E ka rritur e ëma që është Dëshmitare e Jehovait. I jep shumë forcë shpresa për të takuar sërish të atin kur të ringjallet. U pagëzua si Dëshmitar i Jehovait në vitin 2017. I pëlqen të luajë në piano, të shkruajë poezi dhe të gatuajë

Komente personale

Si është forcuar miqësia jote me Jehovain gjatë kësaj periudhe?

Për shkak të kësaj sprove, kam kuptuar diçka që më fal gëzim: sado e tmerrshme të duket një situatë, Jehovai i dallon ndjenjat që provojmë dhe kujdeset për ne si individë. Kuptova se kur fillojnë të më lindin dyshime, mbase po e nënvlerësoj mençurinë e Perëndisë. Ai është strategu më i madh dhe shpesh vepron në një mënyrë që s’na e kishte marrë kurrë mendja. Kur isha në qendrën e paraburgimit, besimi im te Jehovai u vu në provë dhe, si rezultat, u bë shumë më i fortë.

Jen Sen Li

Lindur: 1952 (Nikolajevsk-mbi-Amur, territori i Habarovskut)

Biografia: I treti nga pesë fëmijët. Punon si inxhinier elektrik. U martua me Olgën në vitin 1991. Kanë një djalë. Donin të mësonin më shumë rreth Biblës kur dëgjuan për shpresën që ofron ajo për të ardhmen e njerëzimit. U pagëzua në vitin 1994. I pëlqen të luajë shah dhe të dalë shëtitje

Komente personale

Për çfarë i je lutur Jehovait gjatë kësaj kohe?

I jam përgjëruar Perëndisë të më forcojë mua dhe gruan time, si edhe të na japë paqe në zemër. . . . Dhe vërtet, sa herë më merrnin në pyetje, më pushtonte qetësia, dhe kjo ma ka forcuar edhe më tepër sigurinë se Jehovai nuk do të më braktisë kurrë.

Kur gruaja u shtrua në spital pas një infarkti në zemër, iu përgjërova Jehovait që . . . të kishte kujdesin më të mirë shëndetësor. Jehovai iu përgjigj lutjeve të mia. Dukej shumë qartë si po kujdesej ai për të dhe për mua nëpërmjet motrave e vëllezërve. Nuk na lanë asnjë moment vetëm. Na mbështetën materialisht, dhe ç’është më e rëndësishmja, na ndihmuan të qëndronim pranë Jehovait.

Me ndihmën e motrave e vëllezërve dhe me ndihmën e Jehovait, ajo ia doli ta mbajë të fortë besimin. . . . Madje përpiqet t’u japë zemër të tjerëve. Për mua, kjo është provë e qartë se Jehovai po e mbështet.

I lavdërojmë vëllezërit tanë që vazhdojnë të besojnë te Jehovai dhe që janë të sigurt se ai do t’u japë forcë që të qëndrojnë.—2 Selanikasve 3:3.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME