16 DHJETOR 2022 | PËRDITËSUAR MË 20 QERSHOR 2023
RUSI

PËRDITËSIM—VËLLANË E DËNOJNË ME BURG | I gëzuar pavarësisht nga vështirësitë

LUAJ

Më 20 qershor 2023, Gjykata Krahinore e Centralnit në Soçi shpalli fajtor vëllanë Danil Suvorov dhe e dënoi me 6 vite burg. Danili është në burg që prej 18 gushtit 2021.

Të dhëna

Danil Suvorovi a

Lindur: 1995 (Almetjevsk, Republika e Tatarstanit)

Biografia: Ka punuar si shitës në një dyqan me materiale ndërtimi

U rrit si Dëshmitar i Jehovait nga e ëma dhe u pagëzua më 2011

Komente personale nga e ëma e Danilit, motër Gulnora Suvorovi b

Çfarë po e ndihmon Danilin të përballojë burgimin?

Unë nuk e vizitoj dot në burg, por marr letrat e tij. Danili më thotë gjithmonë të mos bëhem merak për të dhe nuk ankohet. Përkundrazi më siguron se ndien dorën dhe mbështetjen e Jehovait. Danili është tip mjaft i afrueshëm dhe njihet si dëgjues i mirë. Ai i mirëkupton të tjerët që hasin vështirësi. U inkurajova kur mësova se e konsideron qelinë e burgut si territorin e tij personal. Danili u jep dëshmi shumë vetave, meqë në qelinë e tij ndryshojnë shpesh të burgosurit. Gjithashtu lexon Biblën, përgatitet për mbledhje dhe vazhdon të vërë në vend të parë adhurimin e Jehovait.

Çfarë ke mësuar për Jehovain gjatë kësaj situate të vështirë?

Ndonëse Jehovai sheh se bota është plot ligësi, ai nuk e humb gëzimin. Te 2 Kronikave 16:9, thuhet: «Vërtet, sytë e Jehovait vështrojnë me kujdes gjithë tokën, që të tregojë forcën e tij në të mirë të atyre që i janë kushtuar me gjithë zemër.» Pra, tërë kohën, Jehovai kërkon mënyra si t’i ndihmojë shërbëtorët e tij. E di se po të bëj çmos ta mbaj të fortë besimin dhe të ndihmoj të tjerët në kongregacion e në predikim, nuk do të më vërë përfund shkurajimi.

Marrim zemër kur dimë se po të bëjmë më të mirën në shërbim të Jehovait dhe të qëndrojmë të lidhur ngushtë me të, do ta ruajmë gëzimin pavarësisht nga vështirësitë.—Psalmi 16:11.

Tabelë kronologjike

13 gusht 2021

Ngrihet një çështje penale bazuar në dëshminë e një personi që bashkëpunonte me autoritetet dhe shtirej sikur kishte interes për Biblën
18 gusht 2021

Danilit i kontrollojnë shtëpinë, e arrestojnë dhe e futin në burg të përkohshëm
19 gusht 2021

E transferojnë në paraburgim
29 prill 2022

E akuzojnë zyrtarisht se organizon, merr pjesë dhe nxit edhe të tjerë që të përfshihen në aktivitetet e një organizate ekstremiste
10 qershor 2022

Nis procesi penal

a b Gjatë përgatitjes së këtij artikulli, vëlla Suvorovi ishte në paraburgim dhe nuk kishim mundësi të merrnim komente prej tij.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME