3 MAJ 2023 | PËRDITËSUAR MË 13 DHEJTOR 2023
RUSI

PËRDITËSIM—VËLLANË TONË E BURGOSIN | «Jehovai e di fare mirë»

LUAJ

Më 7 dhjetor 2023, Gjykata Krahinore e Kirovskit në Kazan shpalli fajtor vëlla Aleksej Gerasimovin dhe e dënoi me 6 vjet burg. Atë e arrestuan menjëherë në sallën e gjyqit.

Të dhëna

Aleksej Gerasimovi

Lindur: 1980 (Ust-Kut, Rajoni i Irkutskut)

Biografia: Punon si shofer

Në vitin 2006 u martua me Nataljan

U bind se Dëshmitarët e Jehovait janë të krishterët e vërtetë kur pa sa shumë e donin njëri-tjetrin. Alekseji dhe Natalja u pagëzuan të dy më 2007

Komente personale

Cilat vargje nga Bibla të kanë ndihmuar veçanërisht gjatë kësaj periudhe të vështirë?

Kur na kontrolluan shtëpinë, u ndieva mjaft i shkurajuar. Dhe përjetova një ankth të paparë ndërsa afrohej seanca e parë gjyqësore. Por më dhanë zemër vargjet që më kujtoi një vëlla tek Isaia 49:15, 16, ku Jehovai thotë: «A mund ta harrojë një grua foshnjën e gjirit dhe të mos i dhimbset fëmija i barkut? Edhe sikur ato të harrojnë, unë nuk do të të harroj kurrë. Ja, unë të kam skalitur në pëllëmbët e duarve të mia.» Ato vargje më siguruan se Jehovai e di fare mirë se çfarë po ndodh në jetën time dhe se s’ka për të më braktisur kurrë. Kjo eksperiencë më ka ndihmuar të shoh qartë se Jehovai është strehë e sigurt.

E dimë se Jehovai nuk i braktis kurrë shërbëtorët e tij besnikë. Ai është besnik dhe na ndihmon të përballojmë çdo sprovë.—1 Korintasve 10:13.

Tabelë kronologjike

10 shkurt 2022

Ngrihet një çështje penale
18 mars 2022

I kontrollojnë shtëpinë dhe e marrin në pyetje
23 shtator 2022

I vendosin kufizime për udhëtimin
22 shkurt 2023

Fillon procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME