18 MAJ 2022 | PËRDITËSUAR MË 12 MARS 2024
RUSI

PËRDITËSIM—VËLLANË TONË E DËNOJNË ME BURG | Inver Sijuhovi merr forcë

LUAJ

Më 7 mars 2024, Gjykata e Qytetit të Majkopit në Republikën e Adigejas shpalli fajtor vëlla Inver Sijuhovin dhe e dënoi me 6 vjet burg. Ai ndodhet në paraburgim që nga prilli i vitit 2021 dhe do të vazhdojë dënimin pas hekurave.

Tabelë kronologjike

15 prill 2021

E akuzojnë për krim se ka organizuar mbledhje duke përdorur mjete për videokonferenca
16 prill 2021

Autoritetet kontrollojnë shtëpinë e Inverit, si dhe shtëpitë e 4 Dëshmitarëve të tjerë të Jehovait. E marrin në pyetje dhe e futin në një burg të përkohshëm
17 prill 2021

E çojnë në paraburgim
15 gusht 2021

E transferojnë në një burg të sigurisë së lartë, 110 kilometra nga Majkopi
13 shtator 2021

Nis procesi penal

Të dhëna

Inver Sijuhovi

Lindur: 1974 (Majkop)

Biografia: Ka studiuar për financë dhe auditim. Ka punuar si arkëtar në bankë dhe si llogaritar

Filloi të studionte me Dëshmitarët e Jehovait në vitin 1989 dhe i bëri shumë përshtypje ndershmëria e tyre. U pagëzua më 9 shtator 1990. I foli për të vërtetën motrës së tij të madhe, e cila u pagëzua në vitin 1992. Përveç tij, e motra dhe bashkëshorti i saj janë të vetmit Dëshmitarë në familje

Komente personale nga motra e Inverit, Zarieta Çurda a

Çfarë po e ndihmon Inverin të përballojë burgun?

Kur e takova për herë të parë në paraburgim, e pyeta si ndihej që e kishin izoluar nga miqtë dhe familja. Atij i ndritën sytë dhe tha se që nga momenti që nisën t’i kontrollonin shtëpinë, ndjeu se fryma e Jehovait e mbushi me forcë, ashtu si mbushet një tullumbace me ajër.

Gjithashtu, ai po mban një program të mirë të studimit të Biblës, duke lexuar çdo ditë 3 kapituj nga Shkrimet Hebraike dhe 1 kapitull nga Shkrimet Greke. Po përpiqet të ndihmojë edhe të burgosur të tjerë, duke u dhënë ndihmë praktike. Gjatë 2 muajve të parë ndihmoi 2 të burgosur të hiqnin dorë nga duhani.

Si po përgatiteni bashkë me burrin, meqë mund t’ju arrestojnë edhe juve?

Para se të udhëtojnë në një vend tjetër, turistët përgatiten duke u vaksinuar ndaj ndonjë sëmundjeje të mundshme. «Vaksina» ime janë vargjet nga Bibla, këngët dhe përvojat inkurajuese. Më 2017, kur Dëshmitarët e Jehovait u ndaluan në Rusi, i lexova sërish raportet nga Librat vjetorë që shpjegonin si predikohej në vende ku vepra ishte e ndaluar. Doja të dija si e ruanin besimin dhe si vazhdonin të predikonin motrat e vëllezërit, pavarësisht nga rreziqet.

Nëse na arrestojnë, kemi vendosur të mos mëshirojmë veten. Do ta shohim si caktim sfidues, por edhe të çmuar, sikur Jehovai të na thoshte: ‘Kaloni në Maqedoni.’—Veprat 16:9.

Jemi të sigurt se vëllezërit e motrat e shtrenjtë rusë ‘do të vazhdojnë të marrin forcë nga Zotëria dhe nga fuqia e tij e madhe’.—Efesianëve 6:10.

a Ngaqë vëlla Sijuhovi është në burg në këtë moment, nuk mund të kishim komente prej tij.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME