23 GUSHT 2023 | PËRDITËSUAR MË 25 QERSHOR 2024
RUSI

PËRDITËSIM—VËLLANË TONË E GJOBITIN | «Vetëm sa po më bën çdo ditë e më të fortë»

LUAJ

Më 24 qershor 2024, Gjykata e Qytetit të Lesosibirskut në Territorin e Krasnojarskut shpalli fajtor vëlla Valeri Shicitin dhe e gjobiti me 600.000 rubla (6.894 dollarë amerikanë).

Të dhëna

Valeri Shici

Lindur: 1966 (Bolshaj-Murtë, Territori i Krasnojarskut)

Biografia: Ka punuar në ndërtim

U martua me Irinën më 1987 dhe kanë dy djem

Bashkë me të shoqen filluan të studionin Biblën me Dëshmitarët e Jehovait dhe u mrekulluan kur kuptuan si ishin përmbushur profecitë e Biblës dhe kur panë rezultatet pozitive që vinin kur zbatonin këshillat e saj. U pagëzuan të dy më 2008

Komente personale

Çfarë ke mësuar nga ndihma që të kanë dhënë bashkëbesimtarët?

Kur morën vesh çfarë na kishte ndodhur, mjaft vëllezër e motra na ofruan mbështetje dhe na siguruan se na donin shumë. Janë treguar bujarë dhe të gatshëm për të sakrifikuar nga koha dhe energjitë e tyre për ne. Të them të drejtën, në fillim nuk e kisha edhe aq të lehtë të pranoja ndihmën e të tjerëve. Ka më shumë lumturi të japësh se të marrësh, ndaj kam qenë gjithmonë unë ai që u jepja të tjerëve. Por m’u desh të ndryshoja mënyrën si mendoja dhe të pranoja ndihmë. Falë kësaj, kam pasur mundësi të provoja gëzimin që vjen kur të tjerët imitojnë shembullin e Jehovait dhe të Jezuit duke shfaqur dashuri.

Çfarë të motivon të mos dorëzohesh kurrë?

Çdo të krishteri do t’i sprovohet besimi. Ndoshta jo nga burgu, por nga ndonjë sëmundje, padrejtësi a nga humbja e një njeriu të shtrenjtë. Jakovi 1:3 më kujton se ‘cilësia e besimit tim të sprovuar sjell qëndrueshmëri’. Prandaj i zbraz zemrën rregullisht Jehovait. Sa më shumë lutem, aq më e fortë bëhet miqësia ime me të. Gjithashtu, dijenia se vëllazëria mbarëbotërore po lutet për mua, më motivon dhe më jep forcë. Përndjekja mund të ma dobësojë forcën fizike dhe mund të m’i kufizojë aktivitetet, por nuk do të ma shkatërrojë integritetin. Vetëm sa po më bën çdo ditë e më të fortë.

Marrim zemër kur dimë se Jehovai dhe vëllezërit e motrat do t’i kemi gjithnjë pranë, të ndodhë, ç’të ndodhë.—1 Pjetrit 5:9, 10.

Tabelë kronologjike

19 nëntor 2021

Ngrihet çështja penale
25 nëntor 2021

I kontrollojnë shtëpinë dhe e marrin në pyetje
26 nëntor 2021

I ndalojnë disa aktivitete
18 maj 2022

I vendosin kufizime për udhëtimet
10 prill 2023

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME