8 QERSHOR 2022
RUSI

PËRDITËSIM—VËLLANË TONË E LIROJNË NGA BURGU | Marrin forcë nga bashkadhuruesit

LUAJ

Më 10 nëntor 2022, Gjykata Rajonale e Volgodës shpalli vendimin për apelimin e vëllezërve Juri Baranov dhe Nikolaj Stjepanov. Ajo la në fuqi vendimin e mëparshëm për Jurin, kurse dënimin me 4 vite burg të Nikolajit e ktheu në dënim me 4 vite vënie në provë. Nikolajin e liruan nga burgu menjëherë.

Më 5 shtator 2022 Gjykata e Qytetit të Vologdës shpalli fajtorë Jurin dhe Nikolajin. Juri u dënua me 4 vjet vënie në provë dhe nuk i duhet të shkojë në burg në këtë moment. Kurse Nikolaji u dënua me 4 vjet burg dhe e futën menjëherë në burg.

Tabelë kronologjike

19 dhjetor 2019

Forcat e sigurisë bastisin shtëpitë e gjashtë familjeve Dëshmitarësh të Jehovait në Vologdë. Jurin dhe Nikolajin i arrestojnë dhe i futin në burg të përkohshëm
20 dhjetor 2019

Jurin e lirojnë nga burgu dhe e kalojnë në arrest shtëpie
23 dhjetor 2019

Nikolajin e futin në një qendër paraburgimi
16 mars 2020

Jurin e lirojnë nga arresti i shtëpisë, por i lënë disa kufizime lidhur me komunikimin me personat e tjerë të përfshirë në çështjen e tij penale dhe me përdorimin e telefonit dhe të internetit
19 maj 2020

Jurit i heqin kufizimet
13 gusht 2020

Nikolajin e lirojnë nga paraburgimi dhe e kalojnë në arrest shtëpie
25 shtator 2020

Nikolajin e lirojnë nga arresti i shtëpisë
7 mars 2022

Fillon procesi penal

Të dhëna

Juri Baranovi

Lindur: 1952 (Vologdë, Rajoni i Vologdës)

Biografia: Ka punuar si saldator me pajisje elektrike dhe me gaz. Tani ka dalë në pension dhe kujdeset për mamanë e tij invalide që është 90 vjeçe

Në vitin 1990 u martua me Nadjezhdën

Pasi kërkuan përgjigje për pyetjet e rëndësishme të jetës, nisën të studionin Biblën me Dëshmitarët e Jehovait. U pagëzua në vitin 1994

Komente personale

Cilat fjalë zemërdhënëse të kanë ndihmuar të qëndrosh besnik?

Shpesh vëllezërit e motrat më dërgojnë letra dhe më marrin në telefon. Një herë një vëlla më tha: «E gjithë kjo situatë e pati një fillim; e po kështu do ta ketë edhe një fund.» . . . Madje, në një rast një rojë në burg më tha: «Gjithçka do të shkojë mirë.» Këto fjalë i shihja si një mënyrë që Ati im qiellor po më jepte forcë. . . . Këto përvoja më sjellin ndër mend sa Atë i dashur dhe i kujdesshëm është Jehovai.

Nikolaj Stjepanovi

Lidur: 1974 (Vologdë)

Biografia: Ka shërbyer në ushtri para se të bëhej Dëshmitar i Jehovait. Merret me finiturat e ambienteve të brendshme

Ishte ateist. E fejuara e tij, Ala, nisi të studionte Biblën me mamanë e saj në vitin 1995. Ala e ndihmoi të bindej se Perëndia ekziston. U pagëzuan të dy në vitin 1996 dhe u martuan më 1997. Kanë një djalë

Komente personale

A të kanë mbështetur motrat e vëllezërit e tu në besim gjatë kësaj periudhe të vështirë?

Në një nga rastet që u paraqita në gjykatë, ishte shumë inkurajuese të shihja sallën e gjyqit plot me motra e vëllezër—kishin ardhur gati 50 veta!

Vëllezërit e motrat më dërgojnë edhe kartolina . . . dhe luten për mua. Më preku thellë diçka që shkroi një motër: «I dashur vëlla! Vazhdo të tregosh guxim dhe qëndrueshmëri. Do ta kesh Jehovain përkrah në çdo moment. Ne, miqtë e tu, do të lutemi me zjarr për ty dhe do të të mbajmë gjithnjë në mendimet tona. Ati ynë do të të shohë nga lart dhe do të buzëqeshë, sepse do të kënaqet me besnikërinë tënde. Ai është krenar për ty.»

Na forcohet besimi kur shohim se vëllezërit tanë vazhdojnë të qëndrojnë besnikë pavarësisht nga përndjekja.—1 Selanikasve 3:7.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME