12 SHTATOR 2022 | PËRDITËSUAR MË 13 QERSHOR 2023
RUSI

PËRDITËSIM—VËLLANË TONË E SHPALLIN FAJTOR | Aleksandër Shutovi vazhdon të mbështetet te Jehovai për drejtim

LUAJ

Më 9 qershor 2023 Gjykata e Krahinës së Lazos në Territorin e Habarovskut shpalli fajtor vëllanë Aleksandër Shutov dhe e dënoi me 2 vjet e 5 muaj vënie në provë. Për momentin, atij nuk i kërkohet të futet në burg.

Tabelë kronologjike

26 korrik 2021

Ngrihet çështja penale
30 korrik 2021

Aleksandrit i kontrollojnë shtëpinë, e arrestojnë dhe e marrin në pyetje. Në fund e lënë të lirë, por i ndalojnë udhëtimet
3 gusht 2021

E fusin në listën e ekstremistëve në Rusi
28 prill 2022

Nis procesi penal

Të dhëna

Aleksandër Shutovi

Lindur: 1952 (Pionerski, Rajoni i Irkutskut)

Biografia: Kur ishte 15 vjeç, nisi të punonte në një fermë. Tani ka dalë në pension

Në vitin 1973 u martua me Rozën. Ata kanë 4 fëmijë, 11 nipër e mbesa dhe 3 stërnipër e stërmbesa

E ëma e Aleksandrit e mësoi të vërtetën nga Dëshmitarët e Jehovait që ishin internuar në Rusi. Aleksandri u pagëzua më 1975. Në vitin 1976 u dënua me 1 vit burg sepse nuk pranoi të shkonte ushtar

Komente personale

A mund të na tregosh një mësim që nxore kur të burgosën për herë të parë më 1976?

Më kujtohet një rast kur po më çonin në burg dhe një oficer i KGB-së më tha: «Na pret rrugë e gjatë para, e ke problem të flasim pak?» Pasi iu përgjigja të gjitha pyetjeve të tij, më tha: «Kur të shoh, dukesh shumë i qetë, sikur po të çoj në shtëpi e jo në burg.» Aty kuptova se një qetësi të tillë e provon vetëm kur e lë veten plotësisht në dorë të Jehovait dhe i drejtohesh atij për ndihmë. Gati-gati të duket sikur s’po ndodh asgjë e keqe. Në situatën ku jam, duhet të vazhdoj të mbështetem te Jehovai dhe të kërkoj drejtim prej tij.

Ndërsa përndjekja bëhet më e ashpër, le të forcojmë besimin tani dhe të jemi të vendosur ‘të kemi besim te dashuria besnike e Perëndisë në jetë të jetëve’.—Psalmi 52:8.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME