28 PRILL 2023 | PËRDITËSUAR MË 16 QERSHOR 2023
RUSI

PËRDITËSIM—VËLLANË TONË E SHPALLIN FAJTOR | «Asgjë nuk ma grabit dot gëzimin»

LUAJ

Më 15 qershor 2023, Gjykata e Qytetit të Kavrovit në Rajonin e Vladimirit shpalli fajtor vëllanë Roman Adestov dhe e dënoi me 1 vit burg. Atij nuk i duhet të futet në burg për shkak të kohës që ka kaluar në paraburgim.

Të dhëna

Roman Adestovi

Lindur: 1976 (Kavrov)

Biografia: I ati i vdiq kur Romani ishte 13 vjeç. Punon si saldator

U martua me Alinën në vitin 1999 dhe kanë një vajzë

U bind për fuqinë e Biblës kur pa se parimet e saj ia ndryshuan jetën për mirë. Alina u pagëzua si Dëshmitare e Jehovait më 2005, kurse Romani më 2006

Komente personale

Si të kanë ndihmuar vëllezërit e motrat?

Më ngrohet zemra kur di se anekënd botës ka të tjerë, të cilët, ashtu si unë, e duan fort Jehovain. Dijenia se vëllezërit e motrat e shtrenjtë po luten për mua, më ka dhënë forcë që të vazhdoj t’i shërbej Jehovait e të eci në udhën e jetës drejt botës së re. Gjithashtu, bashkë me gruan kemi zbatuar këshillën që na dha një vëlla. Ai na kujtoi se kur nuk interesohemi më për të tjerët, fillojmë të ndiejmë keqardhje për veten. Ndaj përpiqemi të bëjmë sa mundemi për të tjerët dhe kjo na ndihmon të mos na vënë poshtë problemet tona. I jam shumë mirënjohës Jehovait që më ka lejuar të jem pjesë e familjes së tij të madhe.

Çfarë të ndihmon të ruash optimizmin, edhe pse nuk e di si do të shkojnë gjërat?

Është e pamundur të di çfarë do të sjellë e nesërmja dhe nuk përgatitem dot për çdo skenar të mundshëm. Megjithatë kam në dorë të mos e humbas sigurinë se kam miratimin e Jehovait dhe të kujtoj se ai po më ndihmon të luftoj kundër kësaj bote të ligë dhe t’i qëndroj besnik. Dhe, nëse jam gati t’i ofroj gjithçka me gjithë zemër Perëndisë tim të dashur, Jehovait, askush dhe asgjë nuk ma grabit dot gëzimin.

Jemi të bindur se Jehovai, «Shkëmbi i përjetshëm», do të vazhdojë ‘t’i ruajë ata që mbështeten plotësisht tek ai dhe do t’u japë paqe të pafund’.—Isaia 26:3, 4.

Tabelë kronologjike

28 qershor 2021

Ngrihet një çështje penale
8 korrik 2021

I kontrollojnë shtëpinë dhe e arrestojnë
9 korrik 2021

E futin në paraburgim
25 nëntor 2021

E lirojnë nga paraburgimi dhe e lënë në arrest shtëpie
21 qershor 2022

E lirojnë nga arresti i shtëpisë dhe i vënë kufizime për udhëtimin
26 shtator 2022

Nis procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME