14 DHJETOR 2023 | PËRDITËSUAR MË 30 JANAR 2024
RUSI

PËRDITËSIM—VËLLEZËRIT TANË I BURGOSIN | «Besimi te Jehovai është sekreti»

LUAJ

Më 25 janar 2024, Gjykata Krahinore e Samarskit në Samarë shpalli fajtorë vëllezërit Aram Danieljan, Denis Kuzjanin, Sergei Polosenko dhe Nikolai Vasilijev dhe e dënoi secilin me 7 vjet burg. Ata i arrestuan menjëherë në sallën e gjyqit.

Të dhëna

Aram Danieljani

Lindur: 1990 (Armeni)

Biografia: Familja e tij u transferua në Rusi kur ai ishte 6 muajsh

Ka punuar në industrinë e ndërtimit dhe të blerjeve

Mësoi për Biblën nga tezja dhe mamaja. Dashuria për Jehovain iu forcua kur pa se lutjet e tij merrnin përgjigje. U pagëzua si Dëshmitar i Jehovait në vitin 2011

U martua më Elinën më 2017. Kanë një djalë

Komente personale

Çfarë të ndihmon të mos të të mbytë shkurajimi?

Ka raste kur ndihem i trishtuar për shkak të rrethanave të mia. Në momente të tilla, më ndihmon shumë kur kujtoj pse zgjodha të isha një shërbëtor i Jehovait. Po të hiqja dorë nga adhurimi ndaj tij vetëm që të shmangia përndjekjen, a do të isha i lumtur? Dijenia se po ndihmoj që emri i Jehovait të shenjtërohet dhe të bëhet i njohur, më jep shumë gëzim. Jam i vendosur t’i tregoj Satanait se nuk do të heq kurrë dorë nga shërbimi i Jehovait as përballë vdekjes, e jo më përballë burgosjes.

Denis Kuzjanini

Lindur: 1984 (Norilsk, Territori i Krasnojarskut)

Biografia: I vetëpunësuar

Denisi dhe mamaja e tij filluan të studionin Biblën me Dëshmitarët e Jehovait kur ai ishte 10 vjeç. U pagëzua më 2001

U martua me Jelenën në vitin 2012. Kanë një vajzë

Komente personale

Cili tregim nga Bibla të ka ndihmuar të mbash pikëpamjen e duhur për sfidat që po has?

Libri i Jobit është veçanërisht domethënës për mua. Duke filluar nga kapitulli 38, Jehovai arsyeton me Jobin për fuqinë e Tij krijuese. Kur meditoj për atë që ka bërë tashmë Jehovai dhe për atë që do të bëjë në të ardhmen, kjo më ndihmon t’i shikoj gjërat nga këndvështrimi i duhur. Më kujton se ajo që ka më shumë rëndësi është t’i bindem Jehovait. Nëse kam miratimin e tij, problemet e mia nuk janë hiç gjë.

Nikolai Vasilijevi

Lindur: 1984 (Aishë, Republika e Tatarstanit)

Biografia: Ka punuar si programues

Nuk besonte te Zoti. Por, pasi studioi Biblën, pa sa të logjikshme janë mësimet e saj dhe u bind se Perëndia ekziston. U pagëzua më 2005

Komente personale

Çfarë të ndihmon të mos e humbësh besimin?

Është interesante që, para se të më fusnin në qendrën e paraburgimit, kisha shumë frikë të shkoja në burg. Tani që e di çfarë do të thotë të jesh në burg dhe që kam parë si më ka mbështetur Jehovai, nuk kam më frikë. Është e vështirë të mos dish sa do të zgjatë procesi penal dhe cili do të jetë vendimi përfundimtar, por ajo që di me siguri është se Jehovai do të më qëndrojë gjithnjë pranë. Besimi te Jehovai është sekreti për të pasur paqe mendore dhe siguri se gjërat do të dalin për mirë.

S’kemi pikë dyshimi se Jehovai do të vazhdojë t’i ngushëllojë zemrat e të gjithë atyre që po vuajnë për shkak të besimit dhe do t’i bëjë «të patundur për çdo vepër e fjalë të mirë».—2 Selanikasve 2:16, 17.

Tabelë kronologjike

14 dhjetor 2021

Ngrihet çështja penale kundër Denisit, Nikolait dhe Sergeit
15 dhjetor 2021

Denisit, Nikolait dhe Sergeit u kontrollojnë shtëpinë. I arrestojnë dhe i fusin në një burg të përkohshëm
16 dhjetor 2021

Denisin, Nikolain dhe Sergein i transferojnë në një qendër paraburgimi
6 janar 2022

Ngrihet çështja penale kundër Aramit. E arrestojnë në aeroport
7 janar 2022

Aramin e fusin në një qendër paraburgimi
12-14 dhjetor 2022

Katër vëllezërit i lirojnë nga paraburgimi dhe u vendosin kufizime për udhëtimet
16 qershor 2023

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME