10 SHKURT 2023 | PËRDITËSUAR MË 14 KORRIK 2023
RUSI

PËRDITËSIM—VËLLEZËRIT TANË I BURGOSIN | Tre vëllezër në gjyq në një gjykatë të Moskës

LUAJ

Më 12 korrik 2023, Gjykata Krahinore e Savelovskit në Moskë shpalli fajtorë vëllezërit Roman Marejev, Anatoli Marunov dhe Sergei Tolokonikov. Romanin e dënuan me 4 vjet e gjysmë burg, Anatolin me 6 vjet e gjysmë burg, kurse Sergein me 5 vjet burg. Anatolin e arrestuan menjëherë në sallën e gjyqit, kurse Romani dhe Sergei ishin tashmë në arrest.

Të dhëna

Roman Marejevi

Lindur: 1978 (Moskë)

Biografia: Ka punuar për sistemin e transportit në Moskë. Para se ta futnin në paraburgim, ishte personi kryesor që kujdesej për prindërit e tij invalidë

Nisi të lexonte Biblën dhe u mrekullua nga saktësia e profecive të Danielit. U pagëzua si Dëshmitar i Jehovait më 2002

Komente personale

Çfarë të ka ndihmuar të ruash optimizmin megjithëse ke kaq kohë në paraburgim?

Tani që jam në paraburgim për shkak të besimit te Perëndia, kam kuptuar se sjellja është mënyra më e mirë si mund t’i jap lavdi Atij. Shokët e qelisë po shohin prej muajsh se si i trajtoj të tjerët. Ja pse është tepër e rëndësishme që t’i lutem përditë Jehovait për frymën e shenjtë që të shfaq cilësitë e tij.

Kam mësuar se është më e vështirë të jetosh me merakun se do të përndiqesh se sa të përndiqesh vërtet. Në fillim tregojmë besim te Perëndia, pastaj ai na kap prej dore dhe na udhëheq ndërsa ecim nëpër «luginën e territ». (Psalmi 23:4) E vetmja gjë që më mbetet të bëj, është të mos ia lëshoj dorën Jehovait. Ai gjithmonë e gjen një mënyrë që të më ripërtërijë shpresën, ndaj nuk e kam humbur as paqen, as gëzimin.

Anatoli Marunovi

Lindur: 1953 (Izmail, Ukrainë)

Biografia: Para se të dilte në pension, ka punuar për një gazetë si grafik dizajner

Më 1975 u martua me Aljevtinën dhe kanë 2 djem.

Aljevtina nisi të studionte Biblën dhe u pagëzua në vitin 1994. Fillimisht Anatolit i bëri përshtypje cilësia e botimeve të shtypura nga Dëshmitarët e Jehovait, meqë kishte punuar në industrinë e gazetës. Nisi të tregonte interes për profecitë e Biblës dhe u pagëzua më 1999

Komente personale

Si u përgatitët për përndjekjen?

Bashkë me time shoqe nuk menduam kurrë që s’do të bëheshim ndonjëherë shënjestër e përndjekjeve. Prandaj i kushtonim shumë vëmendje çdo shkrimi të ditës, çdo artikulli dhe çdo gjëje që thuhej në mbledhjet e kongregacionit, ndër to edhe njoftimeve. Përpiqemi të jemi të vëmendshëm ndaj drejtimit dhe ta ndjekim me përpikëri.

Çfarë të motivon të qëndrosh besnik?

Çmueshmëria për atë që ka bërë deri tani për mua dhe për familjen time Ati ynë i dashur qiellor, më nxit të mos dorëzohem kurrë. Dhe jam veçanërisht mirënjohës për të ardhmen që ka rezervuar ai për të gjithë njerëzit e bindur. E dimë se jemi afër fundit. Kështu që as e çoj nëpër mend të dorëzohem tani, sidomos kur mendoj për gjithë mbështetjen që po marr.

Sergei Tolokonikovi

Lindur: 1972 (Moskë)

Biografia: Ka punuar si rojë

Më 2004 u martua me Marijan. Ajo nisi të studionte Biblën në vitin 2003. Sergei u kënaq kur mori përgjigjet e pyetjeve nga Bibla dhe shpejt nisi të studionte edhe ai. Të dy u pagëzuan më 2005

Komente personale nga bashkëshortja e Sergeit, Marija Pankovi a

Si arrin të komunikosh me burrin?

Kryesisht komunikojmë me anë të letrave. Në letrat e tij, Sergei shkruan mjaft vargje e tregime nga Bibla. Gjithashtu më dërgon kartolina dhe vizatime që më bëjnë të buzëqesh. Kohët e fundit më kanë dhënë leje ta takoj 2 herë në muaj nga 90 minuta. Qendra e paraburgimit është rreth 3 orë larg, kështu që një vizitë më merr tërë ditën.

Çfarë keni mësuar nga kjo situatë?

Si Sergei, edhe unë kemi parë fare qartë se askush—qofshin këta prokurorë, gjyqtarë ose hetues—s’mund të bëjë asgjë më tepër nga ajo çfarë u lejon Jehovai. Ai ka absolutisht çdo gjë nën kontroll.

Jemi mirënjohës që kemi shembuj të gjallë besimi, si Romani, Anatoli dhe Sergei. Dhe s’kemi fije dyshimi se pavarësisht nga situatat e vështira që mund të lindin, ‘nuk do të kemi frikë nga asnjë e keqe’, ngaqë e dimë se kemi përkrah Jehovain.—Psalmi 23:4.

Tabelë kronologjike

20 tetor 2021

Autoritetet kontrollojnë 8 shtëpi të Dëshmitarëve të Jehovait në Moskë. Kundër Romanit, Anatolit dhe Sergeit ngrenë çështje penale duke i akuzuar se organizojnë aktivitetet e një organizate ekstremiste dhe u mbushin mendjen të tjerëve që të bëhen pjesë e saj. Të tre vëllezërit i futin në një burg të përkohshëm
22 tetor 2021

Romanin dhe Sergein i çojnë në paraburgim, kurse Anatolin e lënë në arrest shtëpie
17 qershor 2022

Nis procesi penal

a Gjatë përgatitjes së këtij artikulli, vëllai Tolokonikov ishte në paraburgim, ndaj nuk patëm mundësi të kishim komente prej tij. Motër Pankovi ka mbajtur mbiemrin e vajzërisë pas martesës.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME