Më 5 dhjetor 2023, Gjykata e Qytetit të Surgutit në Zonën Autonome të Kantë-Mansinskit, Jugra, shpalli fajtorë 17 vëllezër dhe një motër. Ndër ta janë vëllezërit Vjaçeslav Boronosi, Savjeli Gargaliku, Jevgeni Kajrjaku, Artjom Kimi, Sergei Loginovi, Aleksej Plehovi dhe Sergei Volosnikovi. 17 vëllezërit morën dënime me vënie në provë që varionin nga 6 vjet e 3 muaj në 7 vjet. Ndërsa motra u dënua me 3 vjet e 3 muaj vënie në provë. Për momentin nuk u duhet të futen në burg.

1. 15 shkurt 2019

   Policia kontrollon shumë shtëpi të Dëshmitarëve të Jehovait në Surgut dhe në qytetet aty pranë. Si rezultat futin në një qendër paraburgimi tre vëllezër, ndër ta edhe Sergei Loginovin. Më vonë, një vëlla tjetër e urdhërojnë të shtrohet për kontroll në një spital psikiatrik. Autoritetet i kanë keqtrajtuar fizikisht të shtatë vëllezërit për të cilët flasim në këtë lajm, pasi nuk pranuan të jepnin informacione për bashkadhuruesit

2. 26 shkurt 2019

   Gjykata Evropiane e të Drejtave të Njeriut urdhëron qeverinë e Rusisë të lirojë vëlla Sergei Loginovin që të marrë kujdes mjekësor

3. 11 prill 2019

   Sergei Loginovin e lirojnë nga qendra e paraburgimit

4. 29 tetor 2021

   Fillon procesi penal

Teksa vëllezërit tanë të guximshëm vazhdojnë të qëndrojnë besnikë përballë sprovave, jemi të bindur se Jehovai ua dëgjon lutjet dhe u përgjigjet shpejt kur janë në pikë të hallit.—Psalmi 69:17.