21 SHKURT 2022 | PËRDITËSUAR MË 31 KORRIK 2023
RUSI

PËRDITËSIM—VËLLEZËRVE U VENDOSIN GJOBA | Vëllezërit forcojnë besimin falë ndihmës së bashkëbesimtarëve

LUAJ

Më 28 korrik 2023, Gjykata e Qytetit të Petrozavodskut në Republikën e Karelias shpalli fajtorë vëllezërit Maksim Amosovi, Mihail Gordejevi, Nikolaj Ljeshçjenko dhe Dimitri Ravnushkini dhe u vendosi gjoba që variojnë nga 450.000 rubla (4.909 dollarë amerikanë) në 500.000 rubla (5.455 dollarë amerikanë).

Tabelë kronologjike

31 korrik 2019

Agjentë të FSB-së kontrollojnë shtëpitë dhe vendet e punës së 16 Dëshmitarëve të Jehovait
2 gusht 2019

Hetuesi e urdhëron Maksimin të mos largohet nga vendi. Ndërkohë autoritetet nisin një çështje penale kundër Nikolajit dhe e urdhërojnë të mos largohet nga zona
6 gusht 2019

Hetuesi akuzon Maksimin dhe Nikolajin për «krim» ngaqë studion Biblën
5 shtator 2019

Agjentë të FSB-së arrestojnë Mihailin në vendin e punës dhe i konfiskojnë kompjuterin. Hetuesi ngre një çështje penale kundër Mihailit
20 shtator 2019

Agjentë të FSB-së kontrollojnë vendin e punës së Dimitrit dhe i sekuestrojnë telefonin. Hetuesi e merr në pyetje për 4 orë Dimitrin, ngre një çështje penale kundër tij dhe e urdhëron të mos largohet nga zona
18 tetor 2021

Nis procesi penal

Të dhëna

Mihail Gordejevi

Lindur: 1959

Biografia: Ka qejf notin dhe muzikën

Që në moshë të re kishte pyetje për Zotin dhe për qëllimin e jetës. Gruaja e parë humbi jetën kur kishin djalin ende të vogël. Në përpjekje e sipër për të gjetur ngushëllim, foli me një Dëshmitar të Jehovait dhe mësoi emrin e Perëndisë. Vite më vonë i takoi prapë Dëshmitarët dhe pranoi menjëherë të fillonte studimin e Biblës. U pagëzua më 1996

Në vitin 1999 u martua me Jelizavjetën. Kanë 2 vajza që jetojnë me ta

Komente personale

Si e ndihmove familjen të përgatitej për përndjekjen?

Kur ndalimi i Dëshmitarëve në vend u bë fakt, . . . e kuptova se na priste një sprovë besimi serioze. Prandaj bëra çmos të forcoja besimin tim dhe të familjes. E bëmë zakon të lexonim Biblën bashkë dhe të luteshim bashkë për guxim. Gjithashtu lexojmë historitë e vëllezërve dhe të motrave që po tregojnë qëndrueshmëri.

Të kujtohet ndonjë rast kur ndjeve se Jehovai të ndihmoi në mënyrë të veçantë?

Rreth 1 muaj pas kontrollit, [hetuesit] më arrestuan në vendin e punës. Më morën në zyrat e tyre dhe më lexuan akuzën. Pastaj gjatë marrjes në pyetje më bënë shumë presion. Më kërcënuan se do të më futnin në burg po të mos dëshmoja kundër vëllezërve e motrave. Nuk ishte aspak e lehtë. Por iu luta Jehovait për mençuri dhe forcë, e ai më ndihmoi të qëndroja i patundur dhe të mos i tradhtoja vëllezërit e motrat.

Nikolaj Ljeshçjenko

Lindur: 1962 (Poltavë, Ukrainë)

Biografia: Në vitin 1984 u martua me Svjetlanën. Më 1988, kur Nikolaji ishte ushtar në Poloni, takuan një çift Dëshmitar. Në 1989-n ndoqën për herë të parë Përkujtimin, dhe pasi u kthyen në Rusi, më 1993, filluan të studionin Biblën. U pagëzuan po atë vit

Komente personale

Si e ke ndier dorën e Jehovait ndërkohë që kishe kufizime për udhëtimin?

Në vjeshtën e 2019-s nuk isha edhe aq mirë emocionalisht. Svjetlana shkoi të ndiqte kongresin në Varshavë, Poloni. Atje takoi disa nga miqtë tanë që në atë kohë jetonin në Poloni dhe arrita të flisja me ta me videokonferencë. Nuk i mbaj mend fiks fjalët që më thanë, ama di që mora jashtë mase zemër. . . . E kuptova se kjo ishte dora e Jehovait. Ai e përdori këtë mundësi për të më ndihmuar.

Na bëhet zemra mal që vëllezërit tanë në Rusi vazhdojnë të ecin në të vërtetën, pavarësisht nga përndjekja.—3 Gjonit 4.

a b E pamundur ta intervistonim.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME