5 GUSHT 2021
RUSI

PËRDITËSIM | Vëlla Dimitri Terebilovi rrezikon të burgoset për të pestën herë, por kjo është hera e parë për shkak të besimit

LUAJ

Më 22 shtator 2022, Gjykata e Kasacionit e Juridiksionit të Dytë hodhi poshtë apelimin e dytë të vëlla Dimitri Terebilovit. Ai vazhdon të mbetet në burg.

Më 12 janar 2022 Gjykata Rajonale e Kostromës hodhi poshtë apelimin e Dimitrit.

Tabelë kronologjike

6 shtator 2021

Gjykata e Krahinës së Svirdlovskit në qytetin e Kostromës e dënoi me 3 vite burg Dimitrin. Pas vendimit e futën menjëherë në burg
8 shtator 2020

Fillon procesi penal i Dimitrit
25 maj 2020

Autoritetet ngrenë zyrtarisht akuzë kundër Dimitrit dhe i vendosin kufizime për udhëtimin
19 shtator 2019

Dimitrit i bllokojnë llogaritë bankare
13 qershor 2019

Ngrihet çështja penale kundër Dimitrit për shpërndarje të literaturës së ndaluar dhe për pjesëmarrje në mbledhjet e një organizate të ndaluar
25 korrik 2018

Autoritetet i kontrolluan shtëpinë Dimitrit, ndërsa ai me të shoqen po ktheheshin nga një kongres në Moldavi. Sapo Dimitri mbërriti në shtëpi, policët e arrestuan dhe e morën në pyetje

Të dhëna

Dimitri Terebilovi

Lindur: 1980 (Kostromë)

Biografia: E ëma i vdiq kur ishte i ri. Kur ishte fëmijë, i pëlqente boksi dhe mundja. Është burgosur katër herë për përfshirje në çështje droge

Nisi të studionte Biblën nëpërmjet letrave kur ishte në burg në vitin 2010. Përfundoi dënimin më 2013. U pagëzua më 2014. U martua me Irinën në vitin 2015. U pëlqen të ecin, të shëtitin në natyrë dhe të bëjnë xhiro me biçikletë

Komente personale

Si i njohe Dëshmitarët e Jehovait?

I njoha Dëshmitarët e Jehovait kur isha në burg për herë të katërt për çështje droge. Në gusht të vitit 2010, mora letrën e parë nga një vëlla në Udmurtia. Më mbështeti gjatë gjithë atyre viteve në burg, më shkruante letra dhe më dërgonte botime. Jemi akoma miq të ngushtë.

Dola nga burgu më 21 qershor 2013, pasi vuajta dënimin e plotë. U transferova në Kostromë dhe atje gjeta Dëshmitarët e Jehovait.

Çfarë të ka ndihmuar të ruash gëzimin dhe të mos të mbytë ankthi?

Kongresi që ndoqëm në vitin 2018 kishte temën «Ji guximtar!» Pasi u kthyem nga kongresi, filluam menjëherë të zbatonim atë që kishim dëgjuar atje. . . . Më kujtohet kur po ktheheshin në shtëpi [nga rajoni ku na kishin marrë në pyetje pasi kishin kontrolluar për herë të dytë shtëpinë tonë]. Kur mbërritëm, pamë shumë vëllezër e motra që kishin ardhur te shtëpia jonë sapo e kishin marr vesh për bastisjen. Edhe kjo është provë e qartë se Jehovai na qëndron pranë.

Si ndihesh kur mendon që mund të futesh përsëri në burg, por kësaj here për shkak të besimit?

Kur shoh si më ka mbështetur Jehovai gjithë këtë kohë dhe si po i mbështet Ai vëllezërit e motrat që janë në burg për shkak të besimit, s’kam pikë dyshimi se do të na gjendet pranë edhe mua, edhe familjes sime. Herën e fundit kur dola nga burgu, e kisha ndarë mendjen: «Dua të bëhem Dëshmitar i Jehovait.» Asgjë s’ka ndryshuar që nga ajo kohë.

Ndërsa Dimitri vazhdon të provojë gëzimin që vjen kur ‘na poshtërojnë për emrin e Krishtit’, jemi të bindur se «fryma e lavdisë, po, fryma e Perëndisë, prehet mbi» të.—1 Pjetrit 4:14.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME