1 PRILL 2022
RUSI

PËRDITËSIM | Vëlla Sergei Bjelusovi mbron emrin e Perëndisë

LUAJ

Më 30 qershor 2022, Gjykata Rajonale e Tomskut hodhi poshtë apelimin e vëlla Sergei Bjelusovit. Për momentin atij nuk i duhet të shkojë në burg.

Më 14 prill 2022 Gjykata e Qytetit të Severskit në Rajonin e Tomskut e shpalli fajtor Sergein dhe e dënoi me tre vjet vënie në provë.

Tabelë kronologjike

14 korrik 2020

Oficerë të FSB-së bastisin 7 shtëpi, ndër to shtëpinë e Sergeit. Një agjent i qeverisë, që u hoq si i interesuar për Biblën, regjistroi fshehurazi mbledhjet e kongregacionit për disa muaj para bastisjeve
25 mars 2021

Për Sergein nis një çështje penale
30 mars 2021

Kundër Sergeit ngrihen akuza të bazuara në regjistrimet e bëra nga agjenti. Ai akuzohet se merr pjesë në shërbesa fetare nëpërmjet videokonferencës, si edhe se këndon e i lutet Perëndisë Jehova

Të dhëna

Sergei Bjelusovi

Lindur: 1978 (Jesil, Kazakistan)

Biografia: U rrit në një familje muzikantësh. Ka punuar si elektricist dhe si menaxher kantieri në një uzinë petrokimike. Më vonë punoi si zhvillues projekti në një firmë ndërtimi. U martua me Svetlanën në vitin 1999 dhe kanë 1 vajzë

Takoi Dëshmitarët e Jehovait më 2001. Mësoi nga Bibla se Perëndia e ka emrin Jehova dhe gjeti përgjigje të kënaqshme për pyetje që e mundonin. U pagëzua më 2002

Komente personale

Si janë kujdesur vëllezërit e motrat për familjen tënde?

Vëllezërit e motrat e dashura nuk na kanë lënë kurrë pas dore. Një ditë pas kontrollit, erdhën të na takonin ne dhe të afërmit tanë e të na ofronin mbështetje. Meqë gjatë kontrollit na konfiskuan të gjitha pajisjet elektronike, nuk lexonim dot as Biblën. Vëllezërit na dhanë pajisjet e tyre, ndaj s’na mungoi për asnjë ditë ushqimi besimforcues.

Çfarë të jep forcë të qëndrosh në këtë sprovë?

I kujtoj vetes se pavarësisht si përfundon kjo sprovë, në sytë e Jehovait jemi fitimtarë. Nuk kemi nevojë për avokatë të zotë, por për një miqësi të ngushtë me Jehovain. S’kemi bërë asgjë të gabuar. Po jetojmë në një kohë të papërsëritshme. Është privilegj të jesh pjesë e gjithë kësaj! . . . Synimi është [të ndihmojmë] që të shfajësohet sovraniteti i Perëndisë. Nuk shkojmë në seanca gjyqësore që të provojmë se jemi të pafajshëm. Shkojmë për të mbrojtur emrin e Jehovait.

Ndërsa lëvdojmë emrin e Jehovait, edhe ne kemi të njëjtën bindje si Sergei se «Ai do t’ia shtojë fuqinë popullit të tij».—Psalmi 148:13, 14.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME