10 KORRIK 2023
RUSI

Tri motra në Komsomolsk-mbi-Amur i shpallin fajtore

LUAJ

Më 23 mars 2023, Gjykata Krahinore e Centralnit në Komsomolsk-mbi-Amur shpalli fajtore motrat Tatjana Bondarenko, Jelena Nesterovi dhe Tatjana Svobodi. Secilën e dënuan me 5 vjet vënie në provë. Për momentin atyre nuk u duhet të futen në burg.

Të dhëna

Tatjana Bondarenko

Lindur: 1960 (Komsomolsk-mbi-Amur, Territori i Habarovskut)

Biografia: Ka punuar në një fabrikë në procesin e bluarjes së drithit dhe më vonë është marrë me pastrime shtëpish

Në vitin 1992 u martua me Vladimirin dhe kanë tre djem

Nisi të studionte Biblën pasi mësoi qëllimin e Perëndisë për njerëzit dhe premtimin e tij për një tokë parajsore. U pagëzua më 2005

Komente personale

Si e ke parë dorën e Jehovait gjatë kësaj periudhe të vështirë?

Burri im, që nuk është Dëshmitar i Jehovait, ishte në spital kur na kontrolluan shtëpinë. Më vonë atë ditë, u përpoq të më telefononte për të më thënë se mjekët donin ta nxirrnin nga spitali, por nuk arriti të fliste me mua ngaqë autoritetet më kishin konfiskuar telefonin. Vetëm vonë në mbrëmje, pasi mbaroi hetimi, arrita të blija një celular të ri, ta merrja në telefon e t’i shpjegoja çfarë kishte ndodhur. Ishte një situatë shumë e tensionuar. Pastaj më shkoi mendja që t’i lutesha Jehovait për qetësi, dhe Ai iu përgjigj lutjes sime. Kur më në fund ishim të dy bashkë në shtëpi atë mbrëmje, burri u tregua shumë i dashur dhe më ndihmoi të sistemonim përsëri shtëpinë pas kontrollit. Kjo përvojë më ndihmoi ta forcoja besimin te Jehovai.

Jelena Nesterovi

Lindur: 1967 (Komsomolsk-mbi-Amur)

Biografia: Ka punuar si llogaritare

Kishte dy vajza, por njëra prej tyre humbi jetën në vitin 1998

I njohu Dëshmitarët e Jehovait kur punësoi një avokat që ishte Dëshmitar. I bëri përshtypje ndershmëria e tyre dhe fakti që përdornin Biblën për t’iu përgjigjur pyetjeve të saj. U pagëzua më 1997

Komente personale

Çfarë ke mësuar nga kjo situatë e vështirë?

Tani e kuptoj edhe më qartë se kur ndjekim këshillën që të jemi të bindur, nxjerrim shumë dobi. Pak pasi ngritën akuza penale kundër meje, një vëlla më sugjeroi të përgatitja deklaratën përfundimtare që do të jepja para gjyqit. Mirëpo, deklaratën do të më duhej ta lexoja vetëm në fund të procesit gjyqësor, ndaj thashë me vete: ‘Prit se akoma s’ka filluar diçka konkrete.’ Por pasi u luta, vendosa t’i futesha punës dhe të hidhja me shkrim atë që dëshiroja të thosha. Ngjarjet u zhvilluan aq shpejt sa, po të mos isha përgatitur që më përpara, nuk do të isha gati për të dhënë një dëshmi të efektshme në gjykatë. Kuptova se kur ua vëmë veshin vëllezërve, edhe atëherë kur nuk e kuptojmë plotësisht arsyen pse, nxjerrim vërtet shumë dobi.

Lutemi që Jehovai të vazhdojë të bekojë motrat tona dhe t’u japë forcë, teksa qëndrojnë besnike përballë sprovave.—Rutha 2:12.

Tabelë kronologjike

21 shtator 2021

Autoritetet ngrenë një çështje penale kundër Tatjana Svobodit
18 tetor 2021

Autoritetet nisin hetimet edhe kundër Tatjana Bondarenkos dhe Jelena Nesterovit
20 tetor 2021

U kontrollojnë shtëpitë
28 gusht 2022

Ngrenë akuza penale kundër motrave
28 dhjetor 2022

Fillon procesi penal
23 mars 2023

I shpallin fajtore dhe i dënojnë me 5 vjet vënie në provë

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME