1 MARS 2024
RUSI

Vëlla Aleksandër Çaganin e dënojnë me 8 vjet burg

LUAJ

Më 29 shkurt 2024, Gjykata Krahinore e Centralnëjit në Toljati, në Rajonin e Samarës, shpalli fajtor vëlla Aleksandër Çaganin dhe e dënoi me 8 vjet burg. Atë e arrestuan menjëherë në sallën e gjyqit.

Të dhëna

Aleksandër Çagani

Lindur: 1971 (Ukrainë)

Biografia: Ka punuar si programues kompjuterësh

Kishte shumë pyetje rreth kuptimit të jetës. Gjeti përgjigje të kënaqshme kur studioi Biblën me Dëshmitarët e Jehovait. U pagëzua më 2001

Në vitin 2008 u martua me Jekaterinën

Komente personale a

Cila ka qenë një nga gjërat më të vështira gjatë këtij procesi penal?

E kam mjaft të vështirë të lexoj dokumentet e çështjes, sepse ka shumë informacione të pavërteta e negative për mua dhe për popullin e Jehovait. I lutem Jehovait vazhdimisht të më japë forcë dhe vullnet që të përgatitem për gjyqin. Më ka ndihmuar shumë tregimi te 2 Mbretërve 13:18. Eliseu i tha mbretit Jehoas të merrte disa shigjeta dhe të godiste në tokë. Por Jehoasi goditi vetëm 3 herë, duke treguar kështu mungesë zelli dhe vendosmërie. Kuptoj se edhe unë duhet të bëj gjithçka kam në dorë për të mbrojtur ligjërisht lajmin e mirë. S’mund të dorëzohem, por duhet të bëj maksimumin për të qenë i mirëpërgatitur kur të dal para gjyqit. Me ndihmën e Jehovait dhe me lutjet e zjarrta që bëjnë për mua vëllezërit e motrat, e di që do t’ia dal mbanë me sukses.

Do të vazhdojmë të lutemi që Jehovai ‘ta shohë me një buzëqeshje miratimi’ Aleksandrin dhe të gjithë ata që nuk e humbin zellin për emrin e Tij.—Psalmi 119:135, 139.

Tabelë kronologjike

4 mars 2022

I kontrollojnë shtëpinë
14 shtator 2022

Ngrihet çështja penale
21 shtator 2022

I kontrollojnë shtëpinë për herë të dytë
22 shtator 2022

E marrin në pyetje dhe e mbajnë në rajon tërë natën
23 shtator 2022

E lënë të lirë dhe i vendosin kufizime për udhëtimet
23 gusht 2023

Fillon procesi penal
29 shkurt 2024

E shpallin fajtor dhe e dënojnë me 8 vjet burg

a Komentet nga vëlla Çagani u morën para se të shpallej vendimi i gjykatës.

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME