Më 23 tetor 2020 a Gjykata e Krahinës së Oktabërskit në Kirov do të marrë vendimin për çështjen e vëlla Anatolij Tokarevit. Ai rrezikon të burgoset për 3 vite e gjysmë.

Anatolij Tokarevi

• Lindur: 1958 (Baranovskaja, rajoni i Kirovit)

• Biografia: Është rritur me të ëmën. Para se të dilte në pension, ka punuar si programues. I pëlqen shumë fotografia dhe ka qejf të luajë shah dhe me letra. U martua me Margaritën në vitin 1979 dhe kanë dy fëmijë

• Pasi studioi shkenca ekzakte u bë ateist. Në moshën 27-vjeçare, nisi të studionte Biblën me Dëshmitarët e Jehovait dhe kuptoi se bindjet e krishtere nuk bien ndesh me shkencën

Më 24 maj 2019, oficerë nga Qendra për Luftën Kundër Ekstremizmit në Rusi hynë me forcë në shtëpinë e familjes Tokarev. Ata filluan të merrnin në pyetje vëlla Tokarevin dhe e kërcënuan se do ta ndiqnin penalisht familjen e tij nëse nuk pranonte se ishte i përfshirë në veprimtari «ekstremiste». Pastaj e shoqëruan në zyrat e hetimit për ta marrë në pyetje.

Pas thuajse pesë muajsh, e akuzuan vëlla Tokarevin për financim të një organizate «ekstremiste», bazuar në dy nene të Kodit Penal të Federatës Ruse. Prokuroria po përdor edhe përgjime të regjistruara nga apartamenti i familjes Tokarev, për të provuar akuzën se vëllai Anatolij ka organizuar mbledhje ku studiohen botime të shpallura «ekstremiste».

Lutemi për vëlla Tokarevin dhe familjen e tij. Jemi të bindur se Jehovai do të vazhdojë ‘të veprojë me besnikëri’ ndaj tyre.—Psalmi 18:25.