Më 2 qershor 2021, Gjykata e Qytetit të Minusinskut në Territorin e Krasnojarskut shpalli fajtor vëlla Dmitri Maslovin. Atë e gjobitën me 450.000 rubla (6.125 dollarë amerikanë).

Dmitri Maslovi

• Lindur: 1976 (Minusinsk)

• Biografia: Atë dhe vëllanë e motrën që janë më të vegjël se ai, i ka rritur e ëma. U diplomua në një shkollë teknike dhe u specializua në bletari. Kohët e fundit po punon si hidraulik. I pëlqen të bëjë xhiro me biçikletë, zhytja dhe të luajë në fizarmonikë

  Që kur ishte fëmijë, vriste mendjen për pyetje serioze për jetën. Në Bibël gjeti përgjigje të qarta e bindëse. U pagëzua në vitin 1994. Kur e thirrën ushtar, kërkoi të kryente shërbim civil alternativ për shkak të ndërgjegjes. U martua me Julian në vitin 1997

Mbrëmjen e 19 prillit 2019, në Minusinsk, ushtarë dhe anëtarë të Komitetit Hetues dhe të Shërbimit të Sigurimit Federal (FSB) bastisën shtëpitë e pesë familjeve të Dëshmitarëve të Jehovait. Gjatë bastisjes, një vëlla 76 vjeç e rrëzuan përtokë dhe u lëndua. Mbi 30 vëllezër e motra i arrestuan që t’i merrnin në pyetje dhe më vonë i liruan. Më vonë hapën një çështje penale kundër Dmitrit. Autoritetet e akuzuan për krim vetëm se kishte organizuar një ecje në mal me miqtë, dhe kishin folur për tema fetare.

Tani ka disa kufizime për udhëtimet dhe pret vendimin e gjykatës. E ëma, që nuk është Dëshmitare, e konsideron të pajustifikuar dhe të pamerituar këtë përndjekje. Ajo është e bindur se i biri praktikon «fenë më paqësore që ekziston».

Dmitri merr zemër dhe guxim duke e ditur se Jehovai ‘do të tregojë forcën e tij’ ndaj besnikëve të vet.—2 Kronikave 16:9.