Më 29 maj 2024, Gjykata Krahinore e Zejës në Rajonin e Amurit shpalli fajtor vëlla Evgeni Sokolovin dhe e dënoi me 3 vjet vënie në provë. Për momentin nuk i kërkohet të futet në burg.

Kjo është çështja e dytë penale që ngrihet kundër Evgenit. Çështja e parë, ku janë të përfshirë edhe 9 vëllezër të tjerë, po zhvillohet në qytetin e Voronezhit, ku Evgeni banon aktualisht.

Evgeni tregon se çfarë po e ndihmon të qëndrojë besnik: «Po mësoj të besoj e të mbështetem më plotësisht te Jehovai. Ne nuk e zgjidhim dot një problem më mirë se Ai. Zgjidhja e tij do të jetë përherë më e mira dhe më e mençura.»

Ashtu si Evgeni, vazhdofshim edhe ne t’i themi Jehovait: «Ti je streha ime!», të sigurt se Ai do të na sigurojë gjithmonë ndihmën që na duhet.—Psalmi 142:5.

1. 15 dhjetor 2022

   Ngrenë çështjen e dytë penale kundër Evgenit pa e vënë në dijeni

2. 22 shtator 2023

   Evgeni merr vesh që kundër tij kanë ngritur çështjen e dytë penale. E marrin në pyetje dhe e akuzojnë për «përgatitje dhe drejtim të mbledhjeve fetare»

3. 22 prill 2024

   Fillon procesi penal

4. 29 maj 2024

   E shpallin fajtor dhe e dënojnë me 3 vjet vënie në provë