Më 18 dhjetor 2020, a Gjykata e Krahinës së Leninskit në Rostov-mbi-Don do të njoftojë vendimin lidhur me çështjen e vëlla Semion Baibakut. Prokuroria ka kërkuar që gjykata ta dënojë vëlla Semionin me 4 vite vënie në provë.

Semion Baibaku

• Lindur: 1997 (Rostov-mbi-Don)

• Biografia: Semioni ka një motër dhe një vëlla më të madh. Ka mësuar gjuhën kineze dhe punon si mësues i kësaj gjuhe. I pëlqen të lexojë dhe të shkruajë poezi

• Prindërit i flisnin për Jehovain që kur ishte i vogël. Ndërsa rritej, filloi t’i vlerësonte këshillat e mençura të Biblës. Besimi e nxiti që të refuzonte ushtrinë për shkak të ndërgjegjes. Nga viti 2015 deri më 2017 kreu shërbimin alternativ civil, duke punuar si sanitar në një spital për fëmijët

Më 22 maj 2019, policë nga Qendra e Luftës kundër Ekstremizmit bastisën 13 shtëpi të Dëshmitarëve në Rostov-mbi-Don. Pas rreth 2 javësh, më 6 qershor 2019, u ngrit një çështje penale kundër Semionit. Pastaj e arrestuan dhe e mbajtën 1 ditë në paraburgim dhe më pas një gjykatë e kaloi në arrest shtëpie për 8 javë. Deri më tani dënimi është shtyrë 7 herë.

Në fillim, autoritetet e akuzuan Semionin për «krim», ngaqë kishte marrë pjesë në mbledhje fetare dhe kishte folur me të tjerët për mësimet e Biblës. Në nëntor 2019, autoritetet e akuzuan edhe për financim të një organizate «ekstremiste».

Ndërsa vazhdon përndjekja ndaj motrave dhe vëllezërve tanë në Rusi, jemi të sigurt se Jehovai, «Perëndia i paqes», do t’i pajisë ata me çdo gjë të domosdoshme «për të kryer vullnetin e tij».—Hebrenjve 13:20, 21.