Më 24 nëntor 2020, a Gjykata e Qytetit të Petropavlovsk-Kamçatskit në Territorin e Kamçatkës shpall vendimin për çështjen e vëlla Sergei Ledeniovit. Ai rrezikon të dënohet me gjashtë vite burg.

Sergei Ledeniovi

• Lindur: 1974 (Osorë, Rajoni i Kamçatkës)

• Biografia: Sergei ka pesë vëllezër dhe motra. Është i apasionuar pas pikturës dhe fotografisë. Punon në ndërtim si murator dhe në shtrimin e pllakave. Më parë mendonte se Bibla nuk ishte e saktë nga ana shkencore dhe se nuk vlente për kohën tonë. Por, kur studioi me Dëshmitarët e Jehovait ndryshoi mendim. Në vitin 2017 u martua me Anën. Ajo thotë se Sergei është një bashkëshort i qetë, i dashur dhe i kujdesshëm ngaqë zbaton parimet e Biblës

Më 2 dhjetor 2018, një grup policësh të armatosur e me maska hynë me forcë në shtëpinë e vëlla Ledeniovit në qytetin e Petropavlovsk-Kamçatskit. Atë e mbajtën në arrest dhe e akuzuan bazuar te neni 282.2 i Kodit Penal Rus. Gjyqi i tij nisi më 28 nëntor 2019.

Më 12 dhjetor 2019, Gjykata e Qytetit të Petropavlovsk-Kamçatskit në Territorin e Kamçatkës ia ktheu çështjen prokurorisë. Zakonisht kështu ndodh kur gjykata konstaton probleme serioze lidhur me akuzën, për shembull, mungesë provash. Megjithatë, më 4 shkurt 2020, një gjykatë më e lartë e ndryshoi këtë vendim dhe vazhdoi procesin gjyqësor. Më vonë, gjatë një seance, autoritetet morën në pyetje bashkëshorten e vëlla Ledeniovit dhe një motër tjetër, që t’i detyronte të jepnin dëshmi të rreme kundër tij. Por, të dyja këto motra refuzuan prerazi ta bënin këtë.

Të afërmit e vëlla Ledeniovit që s’janë Dëshmitarë, nuk e kuptojnë si ka mundësi që po e përndjekin për shkak të besimit.

I mbajmë në lutjet tona çiftin Ledeniov ndërsa presin vendimin. S’kemi pikë dyshimi se fryma e Jehovait po prehet mbi ta.—1 Pjetrit 4:14.