Më 30 mars 2020 vëlla Vladimir Alushkini doli nga burgu dhe u bashkua me të shoqen.

Ai u lirua pas vendimit që mori Gjykata Rajonale e Penzës më 25 mars, siç u njoftua më parë. Gjykata hodhi poshtë dënimin e vëllezërve Vladimir Alushkini, Vladimir Kuliasovi, Andrei Maglivi e Denis Timoshini dhe të motrave Tatjana Alushkina e Galia Olhova. Gjykata Rajonale e Penzës e ktheu çështjen te gjykata e parë që ta rishqyrtonte me një gjyqtar tjetër. Ndërkohë të gjashtë nuk mund të udhëtojnë lirisht e kanë edhe kufizime të tjera.

Edhe pse jemi të lumtur për vëlla Alushkinin, vetëm dy ditë më vonë një vëlla tjetër u dënua për besimin larg në verilindje të Rusisë. Për sa kohë të vazhdojnë këto sulme të padrejta, jemi të sigurt se vëllezërit e motrat në Rusi s’do t’i harrojnë fjalët e Naumit 1:7: «Jehovai është i mirë, një kala në ditë vuajtjesh. Ai u kushton vëmendje atyre që kërkojnë strehë tek ai.»