21 QERSHOR 2017
RUSI
Publikohet videoja ku autoritetet ruse bastisin një mbledhje fetare paqësore
NJU-JORK—Kohët e fundit, në një video të publikuar në glavny.tv, një media që mbulon Krahinën Federale Qendrore të Rusisë, shfaqen policë rusë të armatosur dhe agjentë të Shërbimit të Sigurimit Federal (SHSF) që, më 25 maj 2017, bastisin një mbledhje fetare paqësore të Dëshmitarëve të Jehovait në Oriol, Rusi.
Më 25 maj 2017, policë të armatosur rusë bastisin një mbledhje fetare paqësore të Dëshmitarëve të Jehovait në Oriol, Rusi
Në video shihet Denis Kristenseni, një shtetas danez, që flet qetësisht me autoritetet. Ai u arrestua gjatë kësaj bastisjeje dhe po mbahet në paraburgim.
Denis Kristenseni, shtetas danez dhe plak kongregacioni, shihet duke folur me autoritetet. SHSF-ja e mban në paraburgim që prej 25 majit 2017
Dejvid Semoniani, zëdhënës i Dëshmitarëve të Jehovait në selinë botërore, thotë: «Videoja e tregon qartë sa paqësisht sillen Dëshmitarët e Jehovait, madje edhe kur autoritetet i ndërpresin diskutimet e tyre biblike duke i frikësuar dhe duke i kërcënuar. Këto shkelje skandaloze të lirisë fetare do të vazhdojnë nëse Gjykata e Lartë Ruse nuk e shfuqizon vendimin e padrejtë kundër Dëshmitarëve të Jehovait. Gjithashtu, jemi shumë të shqetësuar për bashkëbesimtarin tonë, Denis Kristensenin, të cilit i janë mohuar vizitat dhe telefonatat nga e shoqja. Shpresojmë që së shpejti të lirohet nga burgosja e padrejtë.»
Zëdhënësi për mediat:
Dejvid Semoniani, Zyra e Informacionit Publik, +1-845-524-3000
Mund të të pëlqejë edhe . . .
LAJME
Video ku autoritetet ruse bastisin një mbledhje fetare paqësore
Më 25 maj 2017 policë të armatosur dhe agjentë të Shërbimit të Sigurimit Federal (SHSF) bastisën një mbledhje fetare paqësore të Dëshmitarëve të Jehovait në Oriol, Rusi.
LAJME
Një Dëshmitar i Jehovait danez arrestohet dhe burgoset nga policia ruse pas bastisjes së një mbledhjeje të krishterë
Dëshmitarët e Jehovait kanë qenë viktima të diskriminimit fetar armiqësor si nga autoritetet ruse, edhe nga vandalët.
LAJME
Dëshmitarët e Jehovait vuajnë pasojat e vendimit të Gjykatës së Lartë Ruse
Vendimi ka hedhur baltë mbi Dëshmitarët dhe ka inkurajuar disa individë e qeveritarë të sillen edhe më ashpër, siç ilustrohet nga incidentet e ndodhura rishtas.
LAJME
Gjykata e Lartë Ruse merr vendim kundër Dëshmitarëve të Jehovait
Dëshmitarët do ta apelojnë vendimin për të mbyllur Qendrën Administrative të Dëshmitarëve të Jehovait në Rusi.
LAJME
Gjykata e Lartë Ruse do të dëgjojë apelimin e Dëshmitarëve të Jehovait më 17 korrik 2017
Në apel kërkohet anulimi i plotë i vendimit. Aty theksohet se vendimi nuk bazohet në prova dhe se Dëshmitarët s’janë fajtorë për asnjë veprimtari ekstremiste.