Në disa rajone të Rusisë, autoritetet vazhdojnë të vënë në shënjestër adhurimin paqësor të Dëshmitarëve të Jehovait, duke e cilësuar «aktivitet ekstremist».

• Tjumen (rajoni i Tjumenit). Zyra e prokurorit e akuzoi pa të drejtë një Dëshmitar, anëtar i Organizatës Fetare Lokale (OFL) të Tjumenit, për «shpërndarje të literaturës ekstremiste». Pasi Dëshmitari u dënua, prokurori ndoqi çështjen për të mbyllur OFL-në. Gjykata e Lartë e Federatës Ruse do ta shqyrtojë çështjen më 14 prill 2016.

• Elistë (Republika e Kalmikisë). Shefi i policisë vendase urdhëroi të kontrollohej Salla e Mbretërisë në Elistë dhe «zbuloi» literaturë të Dëshmitarëve që gjendet në Listën Federale të Materialeve Ekstremiste. Duke përdorur këto prova të rreme, prokurori i Republikës së Kalmikisë ngriti një padi për mbylljen e entit ligjor të Dëshmitarëve në Elistë. Çështja është akoma pezull në Gjykatën e Lartë të Federatës Ruse.

• Çështje të tjera për mbylljen e OFL-ve, përfshirë ato të Stari-Oskolit dhe Belgorodit, janë lënë pezull në Gjykatën e Lartë të Federatës Ruse.