Në një orvatje tjetër për të kufizuar lirinë fetare, autoritetet ruse kanë ngritur një padi për t’i shpallur ekstremiste Shkrimet e Shenjta—Përkthimi Bota e Re. Seancat gjyqësore janë caktuar të fillojnë më 15 mars 2016. Vitin e kaluar autoritetet doganore në Rusi ndërmorën një hap të paprecedentë kur ndaluan importimin e këtyre Biblave. Ky sulm i fundit tregon mungesë respekti ndaj këtij libri të shenjtë të krishterë.

Në bazë të legjislacionit rus, Bibla nuk mund të shpallet ekstremiste. Megjithatë, Prokurori i Transportit të Leningrad-Finlandskit po e justifikon padinë e tij duke cituar opinionin e një personi pa kualifikimet e duhura gjuhësore. Nëse prokurori fiton çështjen, Përkthimi Bota e Re mund të ndalohet e të mos shpërndahet në Rusi.