NJU-JORK—Të mërkurën më 26 tetor 2016, Dëshmitarët e Jehovait njoftuan se kishin nxjerrë në shitje pronën 97 Columbia Heights në Bruklin, Nju-Jork. Kjo godinë banimi me 11 kate, nga e cila shihen pamja piktoreske e lumit Ist dhe qyteti i Manhatanit, ndodhet në skajin verior të lagjes së bukur historike Brooklyn Heights.

Ndërtesa ndodhet në vendin ku më parë ishte hoteli Margaret, që u shkatërrua nga zjarri në vitin 1980. Arkitekti Stanton Eckstut bëri projektin e godinës së re të banimit, e cila ndërthur elemente arkitekturore të tilla, si veshje me bakër të oksiduar, fasadë me tulla të kuqe dhe dritare këndore, për të respektuar strukturën e hotelit të mëparshëm. Më 1986, ndërsa po ndërtohej godina e re, pronën e blenë Dëshmitarët dhe e kanë përdorur për të strehuar një pjesë të personelit të selisë së tyre. Dejvid Semoniani, zëdhënës i Dëshmitarëve të Jehovait në selinë e tyre botërore, komenton: «Për më tepër se 30 vitet e fundit 97 Columbia Heights ka qenë shtëpia e qindra pjesëtarëve të personelit tonë. Është vendbanim ideal për shkak të veçorive tërheqëse të ndërtesës dhe të vendndodhjes shumë të mirë.»

Godina prej 8.232 m² ka 97 apartamente, disa prej të cilave me ballkone, dhe një tarracë në katin e fundit. Gjithashtu, brenda saj ka një garazh me 30 vende parkimi me hyrje nga rruga Orange Street.

Z. Semonian shpjegon: «Personeli dhe zyrat tona janë transferuar në selinë e re botërore në Uoruik, Nju-Jork, që ka filluar të funksionojë që nga 1 shtatori 2016. Shitja e 97 Columbia Heights është hapi i fundit në procesin e shpërnguljes.»

Zëdhënësi për mediat:

Dejvid A. Semoniani, Zyra e Informacionit Publik, 1-718-560-5000